ishq-o-mohabbat

is baaġh meñ ik gul hī nahīñ mujh ko piyārā

kartā hai har ik ḳhaar bhī ulfat kā ishārā

mamnūn na apnoñ kā na ġhairoñ kā rahā maiñ

chamkā mirī taqdīr kā hai aap sitārā

hargiz kisī imdād kā muhtāj nahīñ maiñ

ho jaatā hai har mast qalandar kā guzārā

'unvān mirī nazm kā hai 'ishq-o-mohabbat

bahtā nahīñ har samt mirī fikr kā dhārā

jaate haiñ usī samt qadam be-ḳhabarī meñ

kis māh-laqā ne mujhe chilman se pukārā

ab hind se pahuñchā hai mire 'ishq kā charchā

tā-hadd-e-karāchi-o-samarqand-o-buḳhārā

yaksāñ jo gul-o-ḳhār se ik rabt hai mujh ko

kartā nahīñ gulshan meñ koī mujh se kinārā

haiñ mujh se mulāqāt ke mushtāq hazāroñ

kyā baat kare hāsid-e-bad-baḳht bechāra

jis phuul se aa.ī na mujhe 'ishq kī ḳhushbū

dil se bhī nikālā use nazroñ se utārā

donoñ ne ġharīboñ ko kiyā exploit

jachtā mirī nazroñ meñ sikandar hai na daarā

letā nahīñ maiñ kaam kabhī atomī bam se

maiñ ne jise maarā use ehsān se maarā

vo aur haiñ phir jaate haiñ jo 'ahd se apne

jo qaul diyā maiñ ne vo mar kar bhī na haarā

'ġhāzī' mire iḳhlās kā shāna thā ki jis ne

uljhe hue gesū-e-mohabbat ko sañvārā

is bagh mein ek gul hi nahin mujh ko piyara

karta hai har ek KHar bhi ulfat ka ishaara

mamnun na apnon ka na ghairon ka raha main

chamka meri taqdir ka hai aap sitara

hargiz kisi imdad ka muhtaj nahin main

ho jata hai har mast qalandar ka guzara

'unwan meri nazm ka hai 'ishq-o-mohabbat

bahta nahin har samt meri fikr ka dhaara

jate hain usi samt qadam be-KHabari mein

kis mah-laqa ne mujhe chilman se pukara

ab hind se pahuncha hai mere 'ishq ka charcha

ta-hadd-e-karachi-o-samarqand-o-buKHara

yaksan jo gul-o-KHar se ek rabt hai mujh ko

karta nahin gulshan mein koi mujh se kinara

hain mujh se mulaqat ke mushtaq hazaron

kya baat kare hasid-e-bad-baKHt bechaara

jis phul se aai na mujhe 'ishq ki KHushbu

dil se bhi nikala use nazron se utara

donon ne gharibon ko kiya exploit

jachta meri nazron mein sikandar hai na dara

leta nahin main kaam kabhi atomi bam se

main ne jise mara use ehsan se mara

wo aur hain phir jate hain jo 'ahd se apne

jo qaul diya main ne wo mar kar bhi na haara

'ghazi' mere iKHlas ka shana tha ki jis ne

uljhe hue gesu-e-mohabbat ko sanwara