isi hawa-e-bahaar mein tum se phir milunga

ye vahm hai to burā nahīñ hai

jo ḳhvāb samjho to ḳhvāb samjho

magar milūñgā

yaqīñ ke sūraj kī raas thāme

ghaḌī kī suuī ghumā sako to

sadī kī

fasl-e-bahār mausam ke dar pe roko

jahāñ havā ne badan chhuā thā

to dast-e-jānāñ kī gūñdhī miTTī

mahak uThī thī

jahāñ laboñ ne duā paḌhī to

zamīñ ke siine pe phuul mahke

parind chahke

ka.ī lakīreñ kanār-e-dariyā

bichhī huī ret kī darī par

khiñchī mileñgī

daraḳht-e-shāḳhān chaTTān uupar

ravāñ samundar pe uñgliyoñ se

kisī ko likhtā

koī milegā

vahīñ pe tum log Thahar jaanā

usī havā-e-bahār meñ tum se phir milūñgā

ye wahm hai to bura nahin hai

jo KHwab samjho to KHwab samjho

magar milunga

yaqin ke suraj ki ras thame

ghaDi ki sui ghuma sako to

sadi ki

fasl-e-bahaar mausam ke dar pe roko

jahan hawa ne badan chhua tha

to dast-e-jaanan ki gundhi miTTi

mahak uThi thi

jahan labon ne dua paDhi to

zamin ke sine pe phul mahke

parind chahke

kai lakiren kanar-e-dariya

bichhi hui ret ki dari par

khinchi milengi

daraKHt-e-shaKHan chaTTan upar

rawan samundar pe ungliyon se

kisi ko likhta

koi milega

wahin pe tum log Thahar jaana

usi hawa-e-bahaar mein tum se phir milunga