jadu ka shahr
duur bahut us vīrāne se
jaadū kā ik shahr basā hai
ruup
nirāle haiñ jalvoñ ke
raag meñ
rang meñ
ras meñ
Duube lamhoñ kī raftār na.ī hai
Duube lamhoñ kī raftār na.ī hai
har jānib
ik mauj-e-tarab hai
raqs meñ satrangī kirneñ haiñ
raqs-e-badan hai
raqs-e-navā hai
ya.anī
madhur sangīt kī sūrat
saut-o-sadā hai
farsh-e-zamīñ par chāñd sitāre
zarroñ meñ nīlam kī chamak hai
jaadū ke is shahr se duur
duur bahut
is vīrāne meñ
anjānī ik rāhguzar par
kab se tanhā
soch rahā huuñ
jaadū ke is shahr ke andar
jaanā to ik jurm hai mujh ko
maiñ to
kab se shahr-badar huuñ
dur bahut us virane se
jadu ka ek shahr basa hai
rup
nirale hain jalwon ke
rag mein
rang mein
ras mein
Dube lamhon ki raftar nai hai
Dube lamhon ki raftar nai hai
har jaanib
ek mauj-e-tarab hai
raqs mein satrangi kirnen hain
raqs-e-badan hai
raqs-e-nawa hai
yani
madhur sangit ki surat
saut-o-sada hai
farsh-e-zamin par chand sitare
zarron mein nilam ki chamak hai
jadu ke is shahr se dur
dur bahut
is virane mein
anjaani ek rahguzar par
kab se tanha
soch raha hun
jadu ke is shahr ke andar
jaana to ek jurm hai mujh ko
main to
kab se shahr-badar hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.