جاگو اور جگاؤ
جاگو جاگو جاگو پیارے
جاگے دنیا والے سارے
دیکھو سورج چاند ستارے
کرتے ہیں سب تم کو اشارے
تم بھی غفلت سے باز آؤ
جاگو جاگو سب کو جگاؤ
بیکاری کا رونا کب تک
آنسوؤں سے منہ دھونا کب تک
تکیہ اور بچھونا کب تک
جاگو جاگو سونا کب تک
اٹھو اٹھو اب اٹھ جاؤ
جاگو جاگو سب کو جگاؤ
کوشش سے کچھ کرنا سیکھو
بل پر اپنے ابھرنا سیکھو
صرف خدا سے ڈرنا سیکھو
حق کی خاطر مرنا سیکھو
کام کوئی جگ میں کر جاؤ
جاگو جاگو سب کو جگاؤ
الفت کی بارش برساؤ
نفرت کی یہ آگ بجھاؤ
مل کر گیت پریم کے گاؤ
گھر گھر یہ پیغام سناؤ
آپس کے جھگڑوں کو مٹاؤ
جاگو جاگو سب کو جگاؤ
اب ہمت ہاروں کو اٹھاؤ
قسمت کے ماروں کو اٹھاؤ
غم کے بے کاروں کو اٹھاؤ
بے بس بیچاروں کو اٹھاؤ
نیرؔ کا یہ نغمہ گاؤ
جاگو جاگو سب کو جگاؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
