jagti aankhon ka KHwab

tumhārī yaad kī ḳhushbū lagā.ī thī maiñ ne

tamām raat mire jism-o-jāñ mahakte rahe

surūr-e-hijr ke mausam meñ bhī na maañd paḌā

havās zabt ke aalam meñ bhī bahakte rahe

dayār-e-ḳhvāb meñ kuchh tā.irān-e-ḳhush-āvāz

tumhāre aane kī ummīd meñ chahakte rahe

navāh-e-dil meñ ka.ī raushnī bhare saa.e

vufūr-e-shauq se gaate rahe lahakte rahe

maiñ tum se duur thā lekin tumhāre haath meñ thā

guzishta shab maiñ kisī aur kā.enāt meñ thā

tumhaari yaad ki KHushbu lagai thi main ne

tamam raat mere jism-o-jaan mahakte rahe

surur-e-hijr ke mausam mein bhi na mand paDa

hawas zabt ke aalam mein bhi bahakte rahe

dayar-e-KHwab mein kuchh tairan-e-KHush-awaz

tumhaare aane ki ummid mein chahakte rahe

nawah-e-dil mein kai raushni bhare sae

wufur-e-shauq se gate rahe lahakte rahe

main tum se dur tha lekin tumhaare hath mein tha

guzishta shab main kisi aur kaenat mein tha