jahil faisla

maiñ haar gayā

tum jiit ga.e

kitnī saada sī musāvāt hai

bas yahī tai karne ko

ham sadiyoñ jhagḌe

badalte vaqt ke saath chalne kī ḳhātir

apne hī banā.e

farsūda qānūn

ham se aaḌe na ga.e

hāzir sach ko

sach mānñe meñ

kitne sach

ġhalat Thaharte haiñ

aur pahle ye maan lete

mil baiThte

tai karte

jo aaj huā

guzre kal meñ hotā

ḳhair ab aao

bāhar munjamid hujūm ko

tārīḳhī faisla sunā.eñ

ye achchhe log

sadiyoñ se so.e nahīñ

surḳhiyāñ badalne ke intizār meñ

jī mar rahe haiñ

logo

suno

ham meñ faisla ho gayā hai

āḳhir-e-kār

is sach ko

sach maanā gayā hai

tāliyāñ pīTte pīTte

thak jaao

to gharoñ ko lauTo

din ke ujāle meñ

mīThā bāñTo

ki ḳhatra Tal gayā hai

sadiyoñ se

jo ḳhatre meñ thā

ab ḳhatre se bāhar hai

faisla ho gayā hai

ki tarāzū palḌoñ meñ

ham

ham-palla

ham-vazn

jāhil haiñ

main haar gaya

tum jit gae

kitni sada si musawat hai

bas yahi tai karne ko

hum sadiyon jhagDe

badalte waqt ke sath chalne ki KHatir

apne hi banae

farsuda qanun

hum se aaDe na gae

hazir sach ko

sach manne mein

kitne sach

ghalat Thaharte hain

aur pahle ye man lete

mil baiThte

tai karte

jo aaj hua

guzre kal mein hota

KHair ab aao

bahar munjamid hujum ko

tariKHi faisla sunaen

ye achchhe log

sadiyon se soe nahin

surKHiyan badalne ke intizar mein

ji mar rahe hain

logo

suno

hum mein faisla ho gaya hai

aaKHir-e-kar

is sach ko

sach mana gaya hai

taliyan piTte piTte

thak jao

to gharon ko lauTo

din ke ujale mein

miTha banTo

ki KHatra Tal gaya hai

sadiyon se

jo KHatre mein tha

ab KHatre se bahar hai

faisla ho gaya hai

ki taraazu palDon mein

hum

ham-palla

ham-wazn

jahil hain