jaan majbur hun

ik taraf tere lab

terī āñkhoñ meñ jalte charāġhoñ kī lau

tere aariz pe kirnoñ kā baḌhtā hujūm

terā jhilmil badan terī rañgīñ sabā aur un ke sivā

saare rañgoñ kī maut

sab sadāoñ ke sakte pe girya-kunāñ

bas tirī ik sadā

aur ik vaar aur zahr kā ek jaam

dūsrī samt haiñ

raushnī rañg kirneñ sadā.eñ adā.eñ badan hī badan

ek tere sivā

laakh rañgīn lab

aur āñkhoñ meñ jalte hazāroñ diye

kuchh taqāze bhī aur chand mahrūmiyāñ

man meñ gūñdhī huī chand majbūriyāñ

ik taraf vaar aur zahr kā ek jaam

dūsrī samt kirneñ adā.eñ badan hī badan

faisla saaf hai

jaan majbūr huuñ

maiñ na suqrāt huuñ

aur na mansūr huuñ

ek taraf tere lab

teri aankhon mein jalte charaghon ki lau

tere aariz pe kirnon ka baDhta hujum

tera jhilmil badan teri rangin saba aur un ke siwa

sare rangon ki maut

sab sadaon ke sakte pe girya-kunan

bas teri ek sada

aur ek war aur zahr ka ek jam

dusri samt hain

raushni rang kirnen sadaen adaen badan hi badan

ek tere siwa

lakh rangin lab

aur aankhon mein jalte hazaron diye

kuchh taqaze bhi aur chand mahrumiyan

man mein gundhi hui chand majburiyan

ek taraf war aur zahr ka ek jam

dusri samt kirnen adaen badan hi badan

faisla saf hai

jaan majbur hun

main na suqraat hun

aur na mansur hun