jab gaDi waqt par aai

suno pyāre bachcho ye qissa nayā

mire pyāre bhārat ke ik shahr kā

vahāñ rail aatī thī ik der se

yahī us kā ma.amūl thā ḳhair se

sabhī us se rahte the hairāñ bahut

musāfir the us se pareshāñ bahut

savere kā ho vaqt yā shaam kā

use der se aane se kaam thā

magar ek din ye ġhazab kyā huā

na ma.alūm is kā sabab kyā huā

use vaqt par apne pahuñchā huā

har ik shaḳhs hairat se dekhā kiyā

kisī ne qulī se ye pūchhā janāb

haqīqat hai koī yā hai koī ḳhvāb

kabhī vaqt par is ko dekhā nahīñ

ise dekh kar phir kyoñ aa.e yaqīñ

kahā hañs ke us ne ki ai mehrbāñ

ḳhudārā na ho is se yuuñ bad-gumāñ

kabhī vaqt par is ko aanā nahīñ

hamesha rakho dil meñ is par yaqīñ

na samjho ise tum miyāñ jumbo jet

ye gaaḌī to chaubīs ghanTe hai laTe

suno pyare bachcho ye qissa naya

mere pyare bhaarat ke ek shahr ka

wahan rail aati thi ek der se

yahi us ka mamul tha KHair se

sabhi us se rahte the hairan bahut

musafir the us se pareshan bahut

sawere ka ho waqt ya sham ka

use der se aane se kaam tha

magar ek din ye ghazab kya hua

na malum is ka sabab kya hua

use waqt par apne pahuncha hua

har ek shaKHs hairat se dekha kiya

kisi ne quli se ye puchha janab

haqiqat hai koi ya hai koi KHwab

kabhi waqt par is ko dekha nahin

ise dekh kar phir kyon aae yaqin

kaha hans ke us ne ki ai mehrban

KHudara na ho is se yun bad-guman

kabhi waqt par is ko aana nahin

hamesha rakho dil mein is par yaqin

na samjho ise tum miyan jumbo jet

ye gaDi to chaubis ghanTe hai laTe