jab hum bhi baDe ho jaenge

ham rañg-e-junūñ se hastī kī tasvīr badal deñge ik din

tadbīr-o-amal se duniyā kī taqdīr badal deñge ik din

jab ham bhī baḌe ho jā.eñge

zulmat ko miTā.eñge ik din ye kar ke dikhā.eñge ik din

dil jis se hoñ raushan logoñ ke vo diip jalā.eñge ik din

jab ham bhī baḌe ho jā.eñge

dekhe haiñ jo ab tak logoñ ne vo ḳhvāb kareñge ham puure

sahrā-e-vatan ko mil-jul kar sīñcheñge lahū se ham apne

jab ham bhī baḌe ho jā.eñge

ham chiir ke siina dhartī kā DhūñDeñge ḳhazāna daulat kā

ākāsh pa jā kar dekheñge kyā raaz hai us kī shohrat kā

jab ham bhī baḌe ho jā.eñge

kyā chiiz hai us ke dāman meñ sāgar meñ utar kar dekheñge

tūfān meñ kitnā dam-ḳham hai kuchh der Thahar kar dekheñge

jab ham bhī baḌe ho jā.eñge

hum rang-e-junun se hasti ki taswir badal denge ek din

tadbir-o-amal se duniya ki taqdir badal denge ek din

jab hum bhi baDe ho jaenge

zulmat ko miTaenge ek din ye kar ke dikhaenge ek din

dil jis se hon raushan logon ke wo dip jalaenge ek din

jab hum bhi baDe ho jaenge

dekhe hain jo ab tak logon ne wo KHwab karenge hum pure

sahra-e-watan ko mil-jul kar sinchenge lahu se hum apne

jab hum bhi baDe ho jaenge

hum chir ke sina dharti ka DhunDenge KHazana daulat ka

aakash pa ja kar dekhenge kya raaz hai us ki shohrat ka

jab hum bhi baDe ho jaenge

kya chiz hai us ke daman mein sagar mein utar kar dekhenge

tufan mein kitna dam-KHam hai kuchh der Thahar kar dekhenge

jab hum bhi baDe ho jaenge