جب ہم دونوں جدا ہوئے تھے
جب ہم دونوں جدا ہوئے تھے
اس نے پہنی سرما کی راتوں میں نکلے چاند کی ساڑی
میں نے پہنا
اپنی بن باسی کا چولا
اس نے مانگی دھوپ
جو برفوں پر چمکی تھی اور ہنسی کے دریا میں بہتے ہوئے
ہم تک پہنچی تھی
میں نے مانگی گھاس میں گری ہوئی آواز
اس کے ہاتھ میں
آٹھ پہر کے خواب کا چھوٹا بچہ تھا
میرے ہاتھ میں وقت نے اپنے بیج سے باہر پاؤں رکھا
اس کی آنکھ میں ناؤ ڈوبی
میری آنکھ میں ایک پرندہ ڈر کے دبکا
اس کے ہونٹ پہ میرے نام کا سایہ تھا
میرے ہونٹ پہ اس کے جسم کی بارش تھی
اس کے دل میں گم گشتہ تہذیبوں جیسی خاموشی تھی
میرے دل میں تیز ہوا کی یاد میں کھویا موسم تھا
اس کے پاؤں حیرت کی سیڑھی سے نیچے اتر رہے تھے
میرے پاؤں دل کی زمیں سے لپٹ رہے تھے
جب ہم دونوں جدا ہوئے تھے
آدھا بوسہ آدھا آنسو دل میں رہا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
