jab jangal basti mein aaya

mere chāroñ or makānoñ se aatī āvāzeñ

saḌkoñ par lahrātī an-ginat motor-careñ

schōloñ se chhantī zinda hañstī bhin bhin

lamppost se bahtī jagmag dhārā

hañste logoñ se bharpūr dokāneñ saḌkeñ

aḳhbāroñ meñ chhapne vaalī ūñche insānoñ kī bāteñ

jo barsoñ meñ puure hoñge aise mansūboñ kī bāteñ kahtī haiñ

ham sab zinda haiñ

arse tak zinda rahnā hai

agle biis baras meñ bastī

apnī pakkī saḌkeñ le kar

jañgal ke kone kone meñ

bastī kā mahfūz tasavvur pahuñchā degī lekin jañgal

saḌkeñ banñe se pahle hī

jañgal kā qānūn uThā.e aa jaatā hai

bastī jañgal ban jaatī hai

sab zinda haiñ

bastī jañgal

arse tak zinda rahnā hai

bastī jañgal

mere chaaron or makanon se aati aawazen

saDkon par lahraati an-ginat motor-caren

schoolon se chhanti zinda hansti bhin bhin

lamppost se bahti jagmag dhaara

hanste logon se bharpur dokanen saDken

aKHbaron mein chhapne wali unche insanon ki baaten

jo barson mein pure honge aise mansubon ki baaten kahti hain

hum sab zinda hain

arse tak zinda rahna hai

agle bis baras mein basti

apni pakki saDken le kar

jangal ke kone kone mein

basti ka mahfuz tasawwur pahuncha degi lekin jangal

saDken banne se pahle hi

jangal ka qanun uThae aa jata hai

basti jangal ban jati hai

sab zinda hain

basti jangal

arse tak zinda rahna hai

basti jangal