siraj aurang-abaadi

jabīn-e-zīst pe marqūm hai mirī āvāz

ki tū ne zinda kiye husn-o-ishq ke e.ajāz

badal badal ke tirī dhaḌkanoñ ko naam milā

kabhī navā-e-haqīqat navā-e-majāz

tirī sadā-e-mohabbat ne faash kar Daalā

vo rāz-e-hashr jo rakhtā hai ek mahshar-e-rāz

nishān-e-rāh kahīñ zindagī ke naqsh-e-qadam

kahīñ hayāt ke rauñde hue nasheb-o-farāz

kabhī to ashk meñ ḳhūn-e-jigar kā rañg-e-hayāt

kabhī to aah meñ dil kī dabī huī āvāz

nazar nazar meñ bahār-e-nigāh naġhma-e-ba-dosh

nafas nafas meñ ik ehsā-e-dard naġhma-tarāz

bahaktī shaam meñ tāroñ kā raqs rindāna

rupahlī sub.h kā kaliyoñ se vo jamīl andāz

vo phuul phuul pe shabnam kī zindagī manzūm

vo jharne jharne meñ kho.e hue se naġhma-o-sāz

bahaktī shaam meñ tāroñ kā raqs-e-rindāna

rupahlī-sub.h kā kaliyoñ se vo jamīl andāz

vo phuul phuul pe shabnam kī zindagī manzūm

vo jharne jharne meñ kho.e hue se naġhma-o-sāz

vo roz-e-abr meñ kaif-o-nashāt kī bārish

hasīn chāñdnī rātoñ kā vo latīf gudāz

tirī nigāh ne aisī nazākateñ pā.īñ

ki husn ḳhud hī pukārā ki maiñ huuñ ishq kā raaz

abhī fazāoñ meñ raqsāñ hai ban ke naġhma-e-shauq

ḳhayāl kī vo bulandī-e-nazar kī vo parvāz

matā-e-soz hai ḳhurshīd-o-māh meñ ab tak

jo tū ne chheḌā thā fikr-o-nishāt kā ik saaz

tirī latīf sadāoñ kī guuñj hai ab tak

abhī haiñ zohra-o-nāhīd gosh-bar-āvāz

jabin-e-zist pe marqum hai meri aawaz

ki tu ne zinda kiye husn-o-ishq ke eajaz

badal badal ke teri dhaDkanon ko nam mila

kabhi nawa-e-haqiqat nawa-e-majaz

teri sada-e-mohabbat ne fash kar Dala

wo raaz-e-hashr jo rakhta hai ek mahshar-e-raaz

nishan-e-rah kahin zindagi ke naqsh-e-qadam

kahin hayat ke raunde hue nasheb-o-faraaz

kabhi to ashk mein KHun-e-jigar ka rang-e-hayat

kabhi to aah mein dil ki dabi hui aawaz

nazar nazar mein bahaar-e-nigah naghma-e-ba-dosh

nafas nafas mein ek ehsa-e-dard naghma-taraaz

bahakti sham mein taron ka raqs rindana

rupahli subh ka kaliyon se wo jamil andaz

wo phul phul pe shabnam ki zindagi manzum

wo jharne jharne mein khoe hue se naghma-o-saz

bahakti sham mein taron ka raqs-e-rindana

rupahli-subh ka kaliyon se wo jamil andaz

wo phul phul pe shabnam ki zindagi manzum

wo jharne jharne mein khoe hue se naghma-o-saz

wo roz-e-abr mein kaif-o-nashat ki barish

hasin chandni raaton ka wo latif gudaz

teri nigah ne aisi nazakaten pain

ki husn KHud hi pukara ki main hun ishq ka raaz

abhi fazaon mein raqsan hai ban ke naghma-e-shauq

KHayal ki wo bulandi-e-nazar ki wo parwaz

mata-e-soz hai KHurshid-o-mah mein ab tak

jo tu ne chheDa tha fikr-o-nishat ka ek saz

teri latif sadaon ki gunj hai ab tak

abhi hain zohra-o-nahid gosh-bar-awaz