jadid shaeri

maiñ thā jadīd shā.erī karne ke mood meñ

zehn-e-rasā se raat taḳhayyul uḌā rahā

mafhūm-e-sher ek taraf ko paḌā rahā

aaya mirī zabāñ pe na felun na fā.elun

chhoTā rahā koī koī misrā baḌā rahā

thā is udheḌ-bun meñ ki kuchh aa.iiñ shā.erāt

jin kā qadīm rang meñ jhanDā gaḌā rahā

maiñ ne kahā ki kuchh kaho rang-e-jadīd meñ

sun kar ye un kā rū-e-suḳhan faq paḌā rahā

par phaḌphaḌā ke rah ga.iiñ be-chārī shā.erāt

pā-e-ḳhayāl apnī jagah par aḌā rahā

bazm-e-jadīd meñ na ga.iiñ shab kī murġhiyāñ

sūraj ko choñch meñ liye murġhā khaḌā rahā

main tha jadid shaeri karne ke mood mein

zehn-e-rasa se raat taKHayyul uDa raha

mafhum-e-sher ek taraf ko paDa raha

aaya meri zaban pe na felun na faelun

chhoTa raha koi koi misra baDa raha

tha is udheD-bun mein ki kuchh aain shaeraat

jin ka qadim rang mein jhanDa gaDa raha

main ne kaha ki kuchh kaho rang-e-jadid mein

sun kar ye un ka ru-e-suKHan faq paDa raha

par phaDphaDa ke rah gain be-chaari shaeraat

pa-e-KHayal apni jagah par aDa raha

bazm-e-jadid mein na gain shab ki murghiyan

suraj ko chonch mein liye murgha khaDa raha