jagmaga uTTha hai rang manch

aao zindagī zindagī kheleñ

ye jhuuT hai ki maiñ tumhāre liye chāñd toḌ ke lā saktā huuñ

par is ḳhayāl kī sachchā.ī ko hī ishq kahte haiñ

ruuh jab jaltī hai to kundan bantā hai

terī bevafā.ī kī is se achchhī vaj.h aur kyā ho saktī hai

sub.h se roTī kamāne meñ lagā huā huuñ

ab jab shaam ho ga.ī hai to sharāb piine kā man hotā hai

mere dāġh-e-dil meñ ek charāġh aisā bhī hai

jo amāvas kī raat meñ merī bujhtī sāñsoñ ko garmāhaT detā hai

aadmī kī khudā.ī kā vaqt kyuuñ nahīñ aatā

duniyā mar rahī hai koī use bachāne kyuuñ nahīñ aatā

tere aane se vo tamām adhūre ḳhvāb puure ho ga.e

jinheñ dekhnā nā merī taqdīr meñ thā aur nā tadbīr meñ

maiñ ek mash.hūr shā.ir nahīñ

par us se merī shā.erī meñ dard kam to nahīñ ho jaatā

kore kāġhaz par bhī kuchh shabd baste haiñ

ham bas unheñ paḌh nahīñ paate

kaun kis ke ḳhilāf gavāhī de

sab ke man meñ ek chor to hai hī

merī gavāhī us kī jaan le saktī hai

gavāhī nā dī to merā zamīr mujhe maar degā

chand dostoñ ke afsāne ab parā.e ho ga.e haiñ

ab khoTe sikke jeb meñ rakhne kā man nahīñ hotā

jab bhī kisī shamshān ke paas se guzartā huuñ

apnī auqāt pata lag jaatī hai

kal raat ā.īna dekh kar kyuuñ nahīñ soyā

sub.h apne hī ghar meñ parāyā ban gayā

har shahr har galī meñ sirf logoñ kī chīḳheñ sunā.ī detīñ haiñ

raam rahīm ke is jhagḌe meñ un donoñ ke alāva sab haiñ

aao zindagi zindagi khelen

ye jhuT hai ki main tumhaare liye chand toD ke la sakta hun

par is KHayal ki sachchai ko hi ishq kahte hain

ruh jab jalti hai to kundan banta hai

teri bewafai ki is se achchhi wajh aur kya ho sakti hai

subh se roTi kamane mein laga hua hun

ab jab sham ho gai hai to sharab pine ka man hota hai

mere dagh-e-dil mein ek charagh aisa bhi hai

jo amawas ki raat mein meri bujhti sanson ko garmahaT deta hai

aadmi ki khudai ka waqt kyun nahin aata

duniya mar rahi hai koi use bachane kyun nahin aata

tere aane se wo tamam adhure KHwab pure ho gae

jinhen dekhna na meri taqdir mein tha aur na tadbir mein

main ek mashhur shair nahin

par us se meri shaeri mein dard kam to nahin ho jata

kore kaghaz par bhi kuchh shabd baste hain

hum bas unhen paDh nahin pate

kaun kis ke KHilaf gawahi de

sab ke man mein ek chor to hai hi

meri gawahi us ki jaan le sakti hai

gawahi na di to mera zamir mujhe mar dega

chand doston ke afsane ab parae ho gae hain

ab khoTe sikke jeb mein rakhne ka man nahin hota

jab bhi kisi shamshan ke pas se guzarta hun

apni auqat pata lag jati hai

kal raat aaina dekh kar kyun nahin soya

subh apne hi ghar mein paraya ban gaya

har shahr har gali mein sirf logon ki chiKHen sunai detin hain

ram rahim ke is jhagDe mein un donon ke alawa sab hain