jalti cigarette

jab kabhī tum

cigarette jalāne kī

koshish karte the

maiñ phūñk maar kar

bujhā detī thī

kitnī baar kahā thā

tum se

ye zindagī

sirf tumhārī nahīñ hai

merā jo dil hai

vo tumhāre cigarette ke dhueñ

se ḳharāb ho rahā hai

aish-tray meñ baḌhtī raakh

se zindagī merī

siyāh huī jaatī hai

bujhāyā karo inheñ

jalāne se pahle

ek kash zindagī kā

bujhī huī cigarette se lagānā

maiñ ne sañjo kar rakhe hai

kuchh purāne Dabbe cigarette ke

jis par ham ne

zindagī kā plan banāyā thā

vo cigarette ḳharāb ho ga.ī hai

lekin plan abhī bhī

sanjīda lagtā hai

ab nā jalānā cigarette

ab maiñ vahāñ nahīñ huuñ

jaltī cigarette bujhāne ko

jab kabhi tum

cigarette jalane ki

koshish karte the

main phunk mar kar

bujha deti thi

kitni bar kaha tha

tum se

ye zindagi

sirf tumhaari nahin hai

mera jo dil hai

wo tumhaare cigarette ke dhuen

se KHarab ho raha hai

aish-tray mein baDhti rakh

se zindagi meri

siyah hui jati hai

bujhaya karo inhen

jalane se pahle

ek kash zindagi ka

bujhi hui cigarette se lagana

main ne sanjo kar rakhe hai

kuchh purane Dabbe cigarette ke

jis par hum ne

zindagi ka plan banaya tha

wo cigarette KHarab ho gai hai

lekin plan abhi bhi

sanjida lagta hai

ab na jalana cigarette

ab main wahan nahin hun

jalti cigarette bujhane ko