jangal

ek ajiib sā jañgal hai is shahr ke biich ug aayā

ghanā muhīb aur gahrā jis kī ḳhuub ghanerī chhāyā

yuuñ lagtā hai jaise mere bhītar kā ik saayā

ik din pahle kahīñ nahīñ thā aisā sabz añdherā

ūñchī shāḳhoñ kī partoñ kā gumbad jaisā gherā

dekhūñ phir hairān rahūñ is shahr meñ aisā Derā

kāñToñ vaale zahar bhare bal khāte shāḳhche aage

pīchhe haTte jaa.eñ raste jañgal jaise bhāge

jis bhī ruḳh par paañv dharūñ us dil meñ Dar sā jaage

mere pair ke nīche se ik shāḳh na.ī ug aa.e

tum tak jaatā har ik rasta aise ruktā jaa.e

kyuuñ kar mujh ko milne deñ phir ḳhauf ke bojhal saa.e

ek ajib sa jangal hai is shahr ke bich ug aaya

ghana muhib aur gahra jis ki KHub ghaneri chhaya

yun lagta hai jaise mere bhitar ka ek saya

ek din pahle kahin nahin tha aisa sabz andhera

unchi shaKHon ki parton ka gumbad jaisa ghera

dekhun phir hairan rahun is shahr mein aisa Dera

kanTon wale zahar bhare bal khate shaKHche aage

pichhe haTte jaen raste jangal jaise bhage

jis bhi ruKH par panw dharun us dil mein Dar sa jage

mere pair ke niche se ek shaKH nai ug aae

tum tak jata har ek rasta aise rukta jae

kyun kar mujh ko milne den phir KHauf ke bojhal sae