jashn-e-azadi-e-hind hai ye

jashn-e-āzādi-e-hind hai ye

dhaj tirañge kī dekho nirālī

ham ne ūñchā kiyā jab ye parcham

āsmāñ ne bhī gardan jhukā lī

desh bhagtoñ ko shardhānjlī ho

desh bhārat kī izzat bachā lī

āzādī-e-vatan ke liye kaam kar ga.e

har chaal sāmrāj kī nākām kar ga.e

tārīḳh-e-hind meñ vo baḌā kaam kar ga.e

jo musībat unheñ pesh aa.ī

ḳhush-dilī se gale vo lagā lī

desh bhagtoñ ko shardhānjlī ho

desh bhārat kī izzat bachā lī

umDā huā ġhulāmī kā bādal haTā diyā

sūraj vo ban ke chamke añdherā haTā diyā

kirnoñ se apnī saarā vatan jagmagā diyā

har taraf āsmān-e-vatan par

chhā rahī thī ghaTā kaalī kaalī

desh bhagtoñ ko shardhānjlī ho

desh bhārat kī izzat bachā lī

vo mauj-e-tez dekhiye mañjdhār dekhiye

aapas meñ ektā kā chamatkār dekhiye

mil-jul ke beḌā kar diyā ye paar dekhiye

mil ke hindū musalmān sab ne

biich tūfāñ se kashtī nikālī

desh bhagtoñ ko shardhānjlī ho

desh bhārat kī izzat bachā lī

maulānā in meñ koī thā koī mahātmā

sab ne kiyā hai mil ke ġhulāmī kā ḳhātma

sab ko duā.eñ detī hai bhārat kī aatmā

vo ġhulāmī kī jo hathkaḌī thī

sab ke hāthoñ ne vo toḌ Daalī

desh bhagtoñ ko shardhānjlī ho

desh bhārat kī izzat bachā lī

jashn-e-azadi-e-hind hai ye

dhaj tirange ki dekho nirali

hum ne uncha kiya jab ye parcham

aasman ne bhi gardan jhuka li

desh bhagton ko shardhanjli ho

desh bhaarat ki izzat bacha li

aazadi-e-watan ke liye kaam kar gae

har chaal samraj ki nakaam kar gae

tariKH-e-hind mein wo baDa kaam kar gae

jo musibat unhen pesh aai

KHush-dili se gale wo laga li

desh bhagton ko shardhanjli ho

desh bhaarat ki izzat bacha li

umDa hua ghulami ka baadal haTa diya

suraj wo ban ke chamke andhera haTa diya

kirnon se apni sara watan jagmaga diya

har taraf aasman-e-watan par

chha rahi thi ghaTa kali kali

desh bhagton ko shardhanjli ho

desh bhaarat ki izzat bacha li

wo mauj-e-tez dekhiye manjdhaar dekhiye

aapas mein ekta ka chamatkar dekhiye

mil-jul ke beDa kar diya ye par dekhiye

mil ke hindu musalman sab ne

bich tufan se kashti nikali

desh bhagton ko shardhanjli ho

desh bhaarat ki izzat bacha li

maulana in mein koi tha koi mahatma

sab ne kiya hai mil ke ghulami ka KHatma

sab ko duaen deti hai bhaarat ki aatma

wo ghulami ki jo hathkaDi thi

sab ke hathon ne wo toD Dali

desh bhagton ko shardhanjli ho

desh bhaarat ki izzat bacha li