جشن سال نو

جشن نو سال مناؤں تو مناؤں کیوں کر

اور نغمات خوشی گاؤں تو گاؤں کیوں کر

کیا نہیں دے گا یہ غم سال گزشتہ کی طرح

پھر اسے اپنے گلے سے میں لگاؤں کیوں کر

یہ نیا سال بھی کیا دے گا بتاتا ہوں تمہیں

اس کے منصوبوں کا افسانہ سناتا ہوں تمہیں

اس نے بخشے تھے جو تحفے کی طرح پچھلے برس

دیکھنا چاہو تو وہ زخم دکھاتا ہوں تمہیں

کچھ خوشی دے گا نہ خوشیوں کی گواہی دے گا

یہ نیا سال بھی دنیا کو تباہی دے گا

روشنی کی کوئی امید نہ رکھنا اس سے

ظلمت شب کو یہ کچھ اور سیاہی دے گا