jashn-e-sal-e-nau

jashn-e-nau-sāl manā.ūñ to manā.ūñ kyūñkar

aur naġhmāt-e-ḳhushī gā.ūñ to gā.ūñ kyūñkar

kyā nahīñ degā ye ġham sāl-e-guzishta kī tarah

phir ise apne gale se maiñ lagā.ūñ kyūñkar

ye nayā saal bhī kyā degā batātā huuñ tumheñ

is ke mansūboñ kā afsāna sunātā huuñ tumheñ

is ne baḳhshe the jo tohfe kī tarah pichhle baras

dekhnā chāho to vo zaḳhm dikhātā huuñ tumheñ

kuchh ḳhushī degā na ḳhushiyoñ kī gavāhī degā

ye nayā saal bhī duniyā ko tabāhī degā

raushnī kī koī ummīd na rakhnā is se

zulmat-e-shab ko ye kuchh aur siyāhī degā

jashn-e-nau-sal manaun to manaun kyunkar

aur naghmat-e-KHushi gaun to gaun kyunkar

kya nahin dega ye gham sal-e-guzishta ki tarah

phir ise apne gale se main lagaun kyunkar

ye naya sal bhi kya dega batata hun tumhein

is ke mansubon ka afsana sunata hun tumhein

is ne baKHshe the jo tohfe ki tarah pichhle baras

dekhna chaho to wo zaKHm dikhata hun tumhein

kuchh KHushi dega na KHushiyon ki gawahi dega

ye naya sal bhi duniya ko tabahi dega

raushni ki koi ummid na rakhna is se

zulmat-e-shab ko ye kuchh aur siyahi dega