jawab do

kyā mujhe apnā banāne ke liye aa.ī ho

yā mirā dard baḌhāne ke liye aa.ī ho

jab fidā ho ga.e īmāñ pe butān-e-āzar

ek but-ḳhāna basāne ke liye aa.ī ho

jab ki ik sham.a bhī baaqī na rahī duniyā meñ

mish.al-e-dil ko jalāne ke liye aa.ī ho

kis liye aaj haiñ maḳhmūr tumhārī āñkheñ

kyā mirī pyaas bujhāne ke liye aa.ī ho

mujh se kah kar maiñ tumheñ yaad bahut aatā huuñ

kyā mire dil ko lubhāne ke liye aa.ī ho

ek muddat se jo ḳhvābīda haiñ mere dil meñ

phir vo armān jagāne ke liye aa.ī ho

ḳhvāb-e-hastī bhī bhulā dogī mirī jaan mujhe

yā ki nīñdoñ ko basāne ke liye aa.ī ho

ab pashemān ho ke aa.ī ho kyā maazī par

yā mujhe aur satāne ke liye aa.ī ho

pyaar kī pahlī ġhazal ban ke ho aa.ī yā phir

āḳhirī giit sunāne ke liye aa.ī ho

aa.ī ho tum mire zaḳhmoñ pe lagāne marham

yā na.e zaḳhm lagāne ke liye aa.ī ho

kya mujhe apna banane ke liye aai ho

ya mera dard baDhane ke liye aai ho

jab fida ho gae iman pe butan-e-azar

ek but-KHana basane ke liye aai ho

jab ki ek shama bhi baqi na rahi duniya mein

mishal-e-dil ko jalane ke liye aai ho

kis liye aaj hain maKHmur tumhaari aankhen

kya meri pyas bujhane ke liye aai ho

mujh se kah kar main tumhein yaad bahut aata hun

kya mere dil ko lubhane ke liye aai ho

ek muddat se jo KHwabida hain mere dil mein

phir wo arman jagane ke liye aai ho

KHwab-e-hasti bhi bhula dogi meri jaan mujhe

ya ki nindon ko basane ke liye aai ho

ab pasheman ho ke aai ho kya mazi par

ya mujhe aur satane ke liye aai ho

pyar ki pahli ghazal ban ke ho aai ya phir

aaKHiri git sunane ke liye aai ho

aai ho tum mere zaKHmon pe lagane marham

ya nae zaKHm lagane ke liye aai ho