jawahar lal nehru

nehru tujh par naaz karegā sadiyoñ hindostān

shāyad paidā ho na sakegā phir aisā insān

milā hai tere ruup meñ ham ko ek baḌā vardān

bhā.ī-chāra mel-mohabbat hai terī pahchān

isī liye to kartī hai duniyā terā sammān

aish-o-ishrat kī duniyā ko tū ne yaksar chhoḌā

jang-e-āzādī meñ tūfānoñ kā muñh bhī moḌā

azm-o-himmat se dushman kī talvāroñ ko toḌā

bhā.ī-chāra mel-mohabbat hai terī pahchān

isī liye to kartī hai duniyā terā sammān

jaadū sā kar detī thiiñ dil par terī taqrīreñ

fikr-o-amal kī dāvat detī haiñ terī tahrīreñ

sajī huī haiñ gosha-e-dil meñ terī hī tasvīreñ

bhā.ī-chāra mel-mohabbat hai terī pahchān

isī liye to kartī hai duniyā terā sammān

des meñ āzādī kā parcham jab tū ne lahrāyā

sūkhe khetoñ ko kitnī tadbīroñ se lahkāyā

kitnī mehnat aur lagan se gulshan ko mahkāyā

bhā.ī-chāra mel-mohabbat hai terī pahchān

isī liye to kartī hai duniyā terā sammān

bachcha bachcha bhārat kā tere hī gun gaatā hai

gulshan ke phūloñ meñ terī hī ḳhushbū paatā hai

terī hī rāhoñ par chalnā har dil ko bhātā hai

bhā.ī-chāra mel-mohabbat hai terī pahchān

isī liye to kartī hai duniyā terā sammān

nehru tujh par naz karega sadiyon hindostan

shayad paida ho na sakega phir aisa insan

mila hai tere rup mein hum ko ek baDa wardan

bhai-chaara mel-mohabbat hai teri pahchan

isi liye to karti hai duniya tera samman

aish-o-ishrat ki duniya ko tu ne yaksar chhoDa

jang-e-azadi mein tufanon ka munh bhi moDa

azm-o-himmat se dushman ki talwaron ko toDa

bhai-chaara mel-mohabbat hai teri pahchan

isi liye to karti hai duniya tera samman

jadu sa kar deti thin dil par teri taqriren

fikr-o-amal ki dawat deti hain teri tahriren

saji hui hain gosha-e-dil mein teri hi taswiren

bhai-chaara mel-mohabbat hai teri pahchan

isi liye to karti hai duniya tera samman

des mein aazadi ka parcham jab tu ne lahraya

sukhe kheton ko kitni tadbiron se lahkaya

kitni mehnat aur lagan se gulshan ko mahkaya

bhai-chaara mel-mohabbat hai teri pahchan

isi liye to karti hai duniya tera samman

bachcha bachcha bhaarat ka tere hi gun gata hai

gulshan ke phulon mein teri hi KHushbu pata hai

teri hi rahon par chalna har dil ko bhata hai

bhai-chaara mel-mohabbat hai teri pahchan

isi liye to karti hai duniya tera samman