جھنڈا اونچا رہے ہمارا
سب سے اچھا سب سے نیارا
رنگ ترنگا پیارا پیارا
قوم کی امیدوں کا سہارا
دیس دلارا جگ اجیارا
دل کی ٹھنڈک آنکھ کا تارا
جھنڈا اونچا رہے ہمارا
دیس دسا دکھلانے والا
ہوش میں ہم کو لانے والا
جوش سے دل گرمانے والا
خدمت پر اکسانے والا
قوم کی نیا کھیون ہارا
جھنڈا اونچا رہے ہمارا
آزادی کے پروانوں کو
اس دیوی کے دیوانوں کو
ہندوؤں اور مسلمانوں کو
ہند کے سارے انسانوں کو
ہے یہ اپنی جان سے پیارا
جھنڈا اونچا رہے ہمارا
جب جھنڈا لہرائے گا یہ
من کی جوت جگائے گا یہ
اپنائیت پھیلائے گا یہ
پریت کی ریت سکھائے گا یہ
پریم کا ساگر پریم کی دھارا
جھنڈا اونچا رہے ہمارا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
