Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jhonpaDa

ye tan jo hai har ik ke utāre jhoñpaḌā

is se hai ab bhī sab ke sahāre jhoñpaḌā

is se hai bādshah ke nazāre jhoñpaḌā

is meñ hai faqīr bichāre jhoñpaḌā

apnā na mol na ijāre jhoñpaḌā

baabā ye tan hai dam ke guzāre jhoñpaḌā

is meñ bhole-bhāle isī meñ siyāne haiñ

is meñ hoshiyār isī meñ divāne haiñ

is meñ dushman is meñ apne begāne haiñ

shā-jhoñpaḌā bhī apne isī meñ namāne haiñ

apnā na mol hai na ijāre jhoñpaḌā

baabā ye tan hai dam ke guzāre jhoñpaḌā

is meñ log ishq-o-mohabbat ke maare haiñ

is meñ shoḳh husn ke chāñd aur sitāre haiñ

is meñ yār-dost isī meñ piyāre haiñ

shā-jhoñpaḌā bhī apne isī meñ bichāre haiñ

apnā na mol hai na ijāre jhoñpaḌā

baabā ye tan hai dam ke guzāre jhoñpaḌā

is meñ ahl-e-daulat-o-mun.im amiir haiñ

is meñ rahte saare jahāñ ke faqīr haiñ

is meñ shaah aur isī meñ vazīr haiñ

is meñ haiñ saġhīr isī meñ kabīr haiñ

itnā na mol na ijāre jhoñpaḌā

baabā ye tan hai dam ke guzāre jhoñpaḌā

is meñ chor-Thag haiñ isī meñ amol haiñ

is meñ ronī shakl isī meñ ThiThol haiñ

is meñ baaje aur naqāre-o-Dhol haiñ

shā-jhoñpaḌā bhī is meñ karte kalol haiñ

itnā na mol na ijāre jhoñpaḌā

baabā ye tan hai dam ke guzāre jhoñpaḌā

is meñ pārsā haiñ isī meñ tavand haiñ

bedard bhī isī meñ hai aur dardmand haiñ

is meñ sab parand isī meñ charand haiñ

shā-jhoñpaḌā bhī ab isī Dar be band haiñ

itnā na mol na ijāre jhoñpaḌā

baabā ye tan hai dam ke guzāre jhoñpaḌā

is jhoñpaḌe meñ rahte haiñ sab shaah aur vazīr

is meñ vakīl baḳhshī o mutasaddi aur amiir

is meñ sab ġharīb haiñ is meñ sab faqīr

shā-jhoñpaḌā jo kahte haiñ sach hai miyāñ 'nazīr'

itnā na mol na ijāre jhoñpaḌā

baabā ye tan hai dam ke guzāre jhoñpaḌā

ye tan jo hai har ek ke utare ka jhonpaDa

is se hai ab bhi sab ke sahaare ka jhonpaDa

is se hai baadshah ke nazare ka jhonpaDa

is mein hi hai faqir bichaare ka jhonpaDa

apna na mol ka na ijare ka jhonpaDa

baba ye tan hai dam ke guzare ka jhonpaDa

is mein hi bhole-bhaale isi mein siyane hain

is mein hi hoshiyar isi mein diwane hain

is mein hi dushman is mein hi apne begane hain

sha-jhonpaDa bhi apne isi mein namane hain

apna na mol hai na ijare ka jhonpaDa

baba ye tan hai dam ke guzare ka jhonpaDa

is mein hi log ishq-o-mohabbat ke mare hain

is mein hi shoKH husn ke chand aur sitare hain

is mein hi yar-dost isi mein piyare hain

sha-jhonpaDa bhi apne isi mein bichaare hain

apna na mol hai na ijare ka jhonpaDa

baba ye tan hai dam ke guzare ka jhonpaDa

is mein hi ahl-e-daulat-o-munim amir hain

is mein hi rahte sare jahan ke faqir hain

is mein hi shah aur isi mein wazir hain

is mein hi hain saghir isi mein kabir hain

itna na mol ka na ijare ka jhonpaDa

baba ye tan hai dam ke guzare ka jhonpaDa

is mein hi chor-Thag hain isi mein amol hain

is mein hi roni shakl isi mein ThiThol hain

is mein hi baje aur naqare-o-Dhol hain

sha-jhonpaDa bhi is mein hi karte kalol hain

itna na mol ka na ijare ka jhonpaDa

baba ye tan hai dam ke guzare ka jhonpaDa

is mein hi parsa hain isi mein tawand hain

bedard bhi isi mein hai aur dardmand hain

is mein hi sab parand isi mein charand hain

sha-jhonpaDa bhi ab isi Dar be band hain

itna na mol ka na ijare ka jhonpaDa

baba ye tan hai dam ke guzare ka jhonpaDa

is jhonpaDe mein rahte hain sab shah aur wazir

is mein wakil baKHshi o mutasaddi aur amir

is mein hi sab gharib hain is mein hi sab faqir

sha-jhonpaDa jo kahte hain sach hai miyan 'nazir'

itna na mol ka na ijare ka jhonpaDa

baba ye tan hai dam ke guzare ka jhonpaDa

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now