jidhar dekhta hun udhar tu hi tu hai

bulbul ke chahchahe meñ

ġhunchoñ ke qahqahe meñ

rang-e-gul-e-chaman meñ

ḳhushbū-e-yāsman meñ

bustān-e-pur-fazā meñ

sarsar meñ aur sabā meñ

dariyā ke pāniyoñ meñ

us kī ravāniyoñ meñ

sahrāoñ meñ bhī huuñ maiñ

parbat kī kundaroñ meñ

sūraj meñ chandramā meñ

anjum meñ kahkashāñ meñ

motī ke jhalakne meñ

hiire ke damakne meñ

har sham-e-anjuman meñ

parvāna kī jalan meñ

tabla kī har sadā meñ

tambūr kī navā meñ

aalam kī sūratoñ meñ

miTTī kī mūratoñ meñ

phir qalb-e-pārsā meñ

aur sīna-e-safā meñ

nāqūs meñ azaañ meñ

aur ved meñ qurāñ meñ

kāhin kī bansurī meñ

aur naġhma-e-‘purī’ meñ

bulbul ke chahchahe mein

ghunchon ke qahqahe mein

rang-e-gul-e-chaman mein

KHushbu-e-yasman mein

bustan-e-pur-faza mein

sarsar mein aur saba mein

dariya ke paniyon mein

us ki rawaniyon mein

sahraon mein bhi hun main

parbat ki kundaron mein

suraj mein chandrama mein

anjum mein kahkashan mein

moti ke jhalakne mein

hire ke damakne mein

har sham-e-anjuman mein

parwana ki jalan mein

tabla ki har sada mein

tambur ki nawa mein

aalam ki suraton mein

miTTi ki muraton mein

phir qalb-e-parsa mein

aur sina-e-safa mein

naqus mein azan mein

aur wed mein quran mein

kahin ki bansuri mein

aur naghma-e-‘puri’ mein