ji Darta hai

jī Dartā hai be-ġharaz mohabbat karne vaale

achchhī nasl ke dostoñ se

unheñ dariyā beach javāb milā

ye kashtī chhe shahtīroñ aur das kīloñ se

yahīñ dariyā biich banā.ī thī

so us meñ aag lagī

jī Dartā hai

tumheñ lauT ke aanā achchhā lagā

mujhe chhat kī beleñ harī mileñ

unheñ dhuup na denā jāḌoñ meñ

ye bistar mere ghar ke nahīñ

tumheñ fikr huī mujhe ḳhauf aayā

sab jānñā achchhā hotā hai magar aksar farq nahīñ paḌtā sab jānñe se

jab kashtī Dūbne lagtī hai

maiñ jāntā huuñ

mujhe tairnā aanā chāhiye thā

be-ġharaz mohabbat karne vaale achchhī nasl ke dostoñ kī hamrāhī meñ

mujhe un se alag

kuchh apne liye bhī sochnā chāhiye thā

maiñ jāntā huuñ

ye aag izāfī koshish thī

jab kashtī Dūbne lagtī hai tab kashtī Dūbne lagtī hai

ab lauT aa.e to fikr karo

ye kashtī Duub bhī saktī thī

ye bistar bhiig bhī sakte the

ye dariyā lauT bhī saktā thā

be-ġharaz mohabbat karne vaale achchhī nasl ke dostoñ kī hamrāhī meñ

har kaam ulaT ho saktā thā

ji Darta hai be-gharaz mohabbat karne wale

achchhi nasl ke doston se

unhen dariya beach jawab mila

ye kashti chhe shahtiron aur das kilon se

yahin dariya bich banai thi

so us mein aag lagi

ji Darta hai

tumhein lauT ke aana achchha laga

mujhe chhat ki belen hari milen

unhen dhup na dena jaDon mein

ye bistar mere ghar ke nahin

tumhein fikr hui mujhe KHauf aaya

sab jaanna achchha hota hai magar aksar farq nahin paDta sab jaanne se

jab kashti Dubne lagti hai

main jaanta hun

mujhe tairna aana chahiye tha

be-gharaz mohabbat karne wale achchhi nasl ke doston ki hamrahi mein

mujhe un se alag

kuchh apne liye bhi sochna chahiye tha

main jaanta hun

ye aag izafi koshish thi

jab kashti Dubne lagti hai tab kashti Dubne lagti hai

ab lauT aae to fikr karo

ye kashti Dub bhi sakti thi

ye bistar bhig bhi sakte the

ye dariya lauT bhi sakta tha

be-gharaz mohabbat karne wale achchhi nasl ke doston ki hamrahi mein

har kaam ulaT ho sakta tha