jina to isi ko kahte hain

shaam suhānī surma.ī bādal

vaadī meñ utar kar sargoshī karte haiñ

tez havā.eñ phūloñ pattoñ kā muñh shoḳhī se chuum rahī haiñ

dhartī kā zarra zarra damak rahā hai

kis ko aanā hai kaun aa.egā

tum ne apnī sāñsoñ ke dhāge jis se bāñdh rakhe haiñ

vo to nahīñ aa.egā

vo ḳhud-sar hai us kī anā us ke qadmoñ kī zanjīr banī hai

kitne aañsū aur bahāogī

tum kuchh bhī kar lo sab lā-hāsil

kyūñki tum maañ ho

apne beTe kī ḳhushiyoñ kī ḳhātir ḳhud ko ḳhush karne kī ḳhātir

apnī anā ke parcham ko us ke qadmoñ meñ lā Daalo

apnī mamtā kī ThanDak ke liye

apne beTe kī jānib se apne aap se kah do

maañ tum kah do to qadmoñ meñ tumhāre gir jā.ūñ

haañ paglī aise bhī jiite haiñ

jiinā to isī ko kahte haiñ

sham suhani surmai baadal

wadi mein utar kar sargoshi karte hain

tez hawaen phulon patton ka munh shoKHi se chum rahi hain

dharti ka zarra zarra damak raha hai

kis ko aana hai kaun aaega

tum ne apni sanson ke dhage jis se bandh rakhe hain

wo to nahin aaega

wo KHud-sar hai us ki ana us ke qadmon ki zanjir bani hai

kitne aansu aur bahaogi

tum kuchh bhi kar lo sab la-hasil

kyunki tum man ho

apne beTe ki KHushiyon ki KHatir KHud ko KHush karne ki KHatir

apni ana ke parcham ko us ke qadmon mein la Dalo

apni mamta ki ThanDak ke liye

apne beTe ki jaanib se apne aap se kah do

man tum kah do to qadmon mein tumhaare gir jaun

han pagli aise bhi jite hain

jina to isi ko kahte hain