jila-watan hone se pahle

is ḳhabar ke aane ke ba.ad

maiñ apne ghar kī khiḌkiyāñ

band kartī huuñ

bijlī ke taar switch-off kar detī huuñ

frēze meñ rakhā khānā

paḌos meñ de detī huuñ

bachā huā duudh galī kī billī ke aage

Daal detī huuñ

aur ek gilass ThanDā paanī piitī huuñ

tamām darvāze lock kar ke

saḌak par nikal jaatī huuñ

dopahar se pahle

yā raat ke kisī pahar

sarkārī gaaḌī meñ

sarkārī murda-ḳhāne meñ

mujhe baaqī jilā-vatanoñ ke saath

pheñk diyā jā.egā

aur ek ḳhabar chhapegī

mulzima fulāñ-bint-e-fulāñ ke ghar

purāne sandūq meñ

purāne kapḌoñ kī tahoñ meñ

bahut sī nazmeñ

qābil-e-e'tirāz hālat meñ paa.ī ga.iiñ

is KHabar ke aane ke baad

main apne ghar ki khiDkiyan

band karti hun

bijli ke tar switch-off kar deti hun

freeze mein rakha khana

paDos mein de deti hun

bacha hua dudh gali ki billi ke aage

Dal deti hun

aur ek gilass ThanDa pani piti hun

tamam darwaze lock kar ke

saDak par nikal jati hun

dopahar se pahle

ya raat ke kisi pahar

sarkari gaDi mein

sarkari murda-KHane mein

mujhe baqi jila-watanon ke sath

phenk diya jaega

aur ek KHabar chhapegi

mulzima fulan-bint-e-fulan ke ghar

purane sanduq mein

purane kapDon ki tahon mein

bahut si nazmen

qabil-e-e'tiraaz haalat mein pai gain