jipsi

raḳhsh-e-tāza pe tasvīr

tanvīr

mehmāñ gurezāñ javāñ

kākul-e-nau-ba-nau meñ

dahaktā ho surḳh sūraj

hasīñ pairahan gul-badan

kahkashāñ gulsitāñ zer-o-bam yam-ba-yam zer-o-bam

shoḳh tarrār sargam

dil-e-be-karāñ meñ

baraste hue mausamoñ vādiyoñ kohsāroñ mahakte hue

murġh-zāroñ

sulagte hue reg-zāroñ

lahū rang jaltī huī razm-gāhoñ kī

saffāk barham barahna sadāoñ kā hangām

tanvīr

guzre hue ḳhvāb kī koī tasvīr

tanhā darīche meñ

imroz be-nām ḳhāke kī sūrat nihāñ

vo shab-o-roz saaya faqat ek saaya

faqat sang-o-āhan kā barg-e-siyah

sub.h shabnam nahīñ shaam sargam nahīñ

jism bīmār dīvār sā pairahan sirf rasm-e-kuhan

paañv meñ

bār-e-vāmāñdgī

bār-e-vāmāñdgī

sard kamre kī mānūs rangoñ se bichhḌī huī rahguzar

vaqt ke fāsloñ meñ sulagtā safar

raKHsh-e-taza pe taswir

tanwir

mehman gurezan jawan

kakul-e-nau-ba-nau mein

dahakta ho surKH suraj

hasin pairahan gul-badan

kahkashan gulsitan zer-o-bam yam-ba-yam zer-o-bam

shoKH tarrar sargam

dil-e-be-karan mein

baraste hue mausamon wadiyon kohsaron mahakte hue

murgh-zaron

sulagte hue reg-zaron

lahu rang jalti hui razm-gahon ki

saffak barham barahna sadaon ka hangam

tanwir

guzre hue KHwab ki koi taswir

tanha dariche mein

imroz be-nam KHake ki surat nihan

wo shab-o-roz saya faqat ek saya

faqat sang-o-ahan ka barg-e-siyah

subh shabnam nahin sham sargam nahin

jism bimar diwar sa pairahan sirf rasm-e-kuhan

panw mein

bar-e-wamandgi

bar-e-wamandgi

sard kamre ki manus rangon se bichhDi hui rahguzar

waqt ke faslon mein sulagta safar