jo jis ki jagah hai

phuul maiñ ne gul-dān meñ rakkhe

bosa jabīn par

aur

dil us kī zulfoñ meñ Taañk diyā

jo jis kī jagah hai

āñkheñ us kī hathelī pe rakh diiñ

āvāz muTThī meñ dabā dī

aur

hiss-e-samā'at us kī dhaḌkanoñ meñ Daal dī

jo jis kī jagah hai

vābastagī ke iz.hār kī saañs maiñ ne us ke

siine par lī

din bhar kī thakāvaT kā kāñch kamar pe toḌā

aur

mohabbat kā biij dil meñ boyā

jo jis kī jagah hai

kā.enāt ke 'azīm bāġhīchoñ meñ

dil sab se 'umda bāġhīcha hai

phul main ne gul-dan mein rakkhe

bosa jabin par

aur

dil us ki zulfon mein Tank diya

jo jis ki jagah hai

aankhen us ki hatheli pe rakh din

aawaz muTThi mein daba di

aur

hiss-e-sama'at us ki dhaDkanon mein Dal di

jo jis ki jagah hai

wabastagi ke izhaar ki sans main ne us ke

sine par li

din bhar ki thakawaT ka kanch kamar pe toDa

aur

mohabbat ka bij dil mein boya

jo jis ki jagah hai

kaenat ke 'azim baghichon mein

dil sab se 'umda baghicha hai