jo yun hota to kya hota

ye masdar ism-e-māzī kā nahīñ hai

aap kahiye to batā dete haiñ hone ko

jo yuuñ hotā to kyā hotā

na hotā gar judā tan se to zaanū par dharā hotā

vo tum se ibn-e-muljim kā patā pūchheñ to kahnā

chaar haftoñ se bahut masrūf hai

roTī nahīñ khaa.ī

saroñ kī fasl bār-e-ḳhushk-sālī se garāñ hai

log masjid bhī nahīñ jaate

maiñ us ko masjid-e-zarrār ke bāhar milūñgā

vo ghoḌoñ kī tarah the

farba-andāmī pe maa.il

saath vaalī khiḌkiyoñ par hinhināte the

ab un ke na.al Thoñkī jā rahī hai

merā ghar jaanā zarūrī hai

ki aise meñ hamesha chhuTTiyoñ kā kaal hotā hai

chalo ghar kī taraf chalte haiñ

bāhar barf-bārī hai

maiñ tum par nazm likhūñgā

mohabbat laḌkiyoñ ko astabal meñ chhoḌ aatī hai

maiñ tum ko beach khiḌkī meñ biThā kar nazm likhūñgā

tumheñ aatā to hogā darmiyāñ se lauTnā

maiñ lauTne par nazm likhūñgā

ye masdar ism maazī kā nahīñ hai

tum jo kah do to bulā lete haiñ ghar se ibn-e-muljim ko

mujhe apnī zamīn astabal kī qist denī hai

use bhī koī sūrat chāhiye ghar se nikalne kī

ye masdar ism-e-mazi ka nahin hai

aap kahiye to bata dete hain hone ko

jo yun hota to kya hota

na hota gar juda tan se to zanu par dhara hota

wo tum se ibn-e-muljim ka pata puchhen to kahna

chaar hafton se bahut masruf hai

roTi nahin khai

saron ki fasl bar-e-KHushk-sali se garan hai

log masjid bhi nahin jate

main us ko masjid-e-zarrar ke bahar milunga

wo ghoDon ki tarah the

farba-andami pe mail

sath wali khiDkiyon par hinhinate the

ab un ke nal Thonki ja rahi hai

mera ghar jaana zaruri hai

ki aise mein hamesha chhuTTiyon ka kal hota hai

chalo ghar ki taraf chalte hain

bahar barf-bari hai

main tum par nazm likhunga

mohabbat laDkiyon ko astabal mein chhoD aati hai

main tum ko beach khiDki mein biTha kar nazm likhunga

tumhein aata to hoga darmiyan se lauTna

main lauTne par nazm likhunga

ye masdar ism mazi ka nahin hai

tum jo kah do to bula lete hain ghar se ibn-e-muljim ko

mujhe apni zamin astabal ki qist deni hai

use bhi koi surat chahiye ghar se nikalne ki