kali barish

tārkol sā siyāh āsmān

apnī pathrā.ī āñkhoñ aur

mom jaisī putliyoñ se

girya-e-shab kartā rahā

vaah kyā jharnā thā

kyā ābshār thā

kyā jal-tarañg thā ki

aadam ne zamīn par sajda-e-shukr adā kiyā aur

apne kafan tak ko

be-dāġh bārish kī tarah

safed-o-shaffāf rakkhā

aaj bārish kaalī ho ga.ī to

kyā maiñ apne kafan ke rang ko kaalā kar luuñ

nahīñ hargiz nahīñ

is se behtar hai ki

ḳhud apne lahū meñ nahā kar

be-gor-o-kafan hī sahī

shahīd-o-surḳh-rū ho jā.ūñ

tarkol sa siyah aasman

apni pathrai aankhon aur

mom jaisi putliyon se

girya-e-shab karta raha

wah kya jharna tha

kya aabshaar tha

kya jal-tarang tha ki

aadam ne zamin par sajda-e-shukr ada kiya aur

apne kafan tak ko

be-dagh barish ki tarah

safed-o-shaffaf rakkha

aaj barish kali ho gai to

kya main apne kafan ke rang ko kala kar lun

nahin hargiz nahin

is se behtar hai ki

KHud apne lahu mein naha kar

be-gor-o-kafan hi sahi

shahid-o-surKH-ru ho jaun