kali khetar

ikāvan TukḌoñ meñ se ek añgūThā

yahāñ girtā na to nuqsān kis kā thā

ki sāñpoñ kazhdumoñ kī pahle bhī maskan thī ye dhartī

yahāñ dariyā nashebī the

zamīneñ ḳhandaqoñ se pur

saroñ kī bheñT se

ik qahr-sāmāñ devtā ko raam rakhnā thā

añdherī vādiyoñ aur sarsarāte jangaloñ meñ

ḳhuun kī nadiyāñ

yūñhī ḳhāmosh bahnī thiiñ

agar vo chakr vishnū kā

na chaltā to ġhazab aisā bhī kyā hotā

yahī hotā ki ye duniyā

zamīñ-tā-āsmāñ zer-o-zabar hotī

magar ik vahshiyāna raqs pe qadġhan zarūrī thā

so vishnū ne chalāyā chakr

ik TukḌā satī kā us taraf

nūrānī

pākīza

agar is shahr kī buniyād na paḌtī to kyā hotā

yahāñ yuuñ bhī

baserā azdahoñ aur kazhdumoñ kā hī huā hotā

musallas pahle jaisā hai

barahmā

vishnū

aur mahādev

apne apne nuqtoñ par

satī lekin

bhaTaktī phirtī hai

markaz se apne duur

chāroñ samt baḌhtī jaatī hai gintī asūroñ kī

ikawan TukDon mein se ek anguTha

yahan girta na to nuqsan kis ka tha

ki sanpon kazhdumon ki pahle bhi maskan thi ye dharti

yahan dariya nashebi the

zaminen KHandaqon se pur

saron ki bhenT se

ek qahr-saman dewta ko ram rakhna tha

andheri wadiyon aur sarsaraate jangalon mein

KHun ki nadiyan

yunhi KHamosh bahni thin

agar wo chakr wishnu ka

na chalta to ghazab aisa bhi kya hota

yahi hota ki ye duniya

zamin-ta-asman zer-o-zabar hoti

magar ek wahshiyana raqs pe qadghan zaruri tha

so wishnu ne chalaya chakr

ek TukDa sati ka us taraf

nurani

pakiza

agar is shahr ki buniyaad na paDti to kya hota

yahan yun bhi

basera azdahon aur kazhdumon ka hi hua hota

musallas pahle jaisa hai

barahma

wishnu

aur mahadew

apne apne nuqton par

sati lekin

bhaTakti phirti hai

markaz se apne dur

chaaron samt baDhti jati hai ginti asuron ki