kab tak

rahegā tund-ḳhū sūraj jahāñ par hukmrāñ kab tak

raheñge ḳhaak ke zarre fazā meñ pur-fishāñ kab tak

ye kamzoroñ kī ābādī meñ tāqat kī ‘amal-dārī

rahegā dev-e-istibdād kā sikka ravāñ kab tak

tamāsha kab talak dekhegī qudrat ḳhūn-e-armāñ kā

gireñgī ḳhirman-e-dahqāñ pe āḳhir bijliyāñ kab tak

rahegī husn kī kab tak diloñ par mashq-e-gul-kārī

mohabbat kī raheñgī dāstāneñ ḳhūñ-chakāñ kab tak

rahegī shauq ke paañv meñ kab tak vaqt kī beḌī

bisāt-e-yās par leñgī umīdeñ siskiyāñ kab tak

agar soz-e-yaqīñ dil meñ hai āñkheñ dekh hī leñgī

chhupā rakkhegā manzil ko ġhubār-e-kārvāñ kab tak

rahega tund-KHu suraj jahan par hukmran kab tak

rahenge KHak ke zarre faza mein pur-fishan kab tak

ye kamzoron ki aabaadi mein taqat ki ‘amal-dari

rahega dew-e-istibdad ka sikka rawan kab tak

tamasha kab talak dekhegi qudrat KHun-e-arman ka

girengi KHirman-e-dahqan pe aaKHir bijliyan kab tak

rahegi husn ki kab tak dilon par mashq-e-gul-kari

mohabbat ki rahengi dastanen KHun-chakan kab tak

rahegi shauq ke panw mein kab tak waqt ki beDi

bisat-e-yas par lengi umiden siskiyan kab tak

agar soz-e-yaqin dil mein hai aankhen dekh hi lengi

chhupa rakkhega manzil ko ghubar-e-karwan kab tak