kachcha rang

sabz zard surḳh aur ba-nafsī

chaman ke saare rañg pur-kashish haiñ

magar maiñ Dar rahī huuñ ki koī rañg uḌ ke

mire dupaTTe ke zholīda rañgoñ pe chaḌh na jaa.e

tamannā-e-dil ke canvas par

mujhe tamāshā-e-fan-e-tajrīd se duur rakhnā

maiñ apnā pairāgī rañg oḌhe

chaman ko bas duur se tak rahī huuñ

mujhe tumhāre rañgoñ se kyā lenā-denā

maiñ kachche rañgoñ aarzī mausamoñ se duur bhāgtī huuñ

sabz zard surKH aur ba-nafsi

chaman ke sare rang pur-kashish hain

magar main Dar rahi hun ki koi rang uD ke

mere dupaTTe ke zholida rangon pe chaDh na jae

tamanna-e-dil ke canwas par

mujhe tamasha-e-fan-e-tajrid se dur rakhna

main apna pairagi rang oDhe

chaman ko bas dur se tak rahi hun

mujhe tumhaare rangon se kya lena-dena

main kachche rangon aarzi mausamon se dur bhagti hun