kachchi Dori

kabhī kabhī lagtā hai

man ke ḳhālī-pan kī uub

vaqt ke dhāgoñ se banī huī ek Dorī hai

is meñ bun jaatī haiñ yādeñ

pichhlī bātoñ kī biitī rātoñ kī

is meñ guthīñ haiñ chāhateñ

aane vaalī sauġhātoñ kī

ye Dorī behad kachchī sī hai

lagtā hai TuuT jā.egī

abhī isī lamhe ko bāñdhne meñ

ek bhī sachche shaffāf lamhe kī taab

is ko chhū bhī ga.ī to

ye Dorī kaT jā.egī

bikhar jā.egī

is ko bachā lo

is ko mohabbat se mazbūt kar do

is man ke ḳhālī-pan kī uub ko

apnī maujūdgī se bhar do

kabhi kabhi lagta hai

man ke KHali-pan ki ub

waqt ke dhagon se bani hui ek Dori hai

is mein bun jati hain yaaden

pichhli baaton ki biti raaton ki

is mein guthin hain chahaten

aane wali saughaton ki

ye Dori behad kachchi si hai

lagta hai TuT jaegi

abhi isi lamhe ko bandhne mein

ek bhi sachche shaffaf lamhe ki tab

is ko chhu bhi gai to

ye Dori kaT jaegi

bikhar jaegi

is ko bacha lo

is ko mohabbat se mazbut kar do

is man ke KHali-pan ki ub ko

apni maujudgi se bhar do