kahan rauzan banaen

vahī qasmeñ shab-e-nā-mo'atabar kī

vahī rasmeñ haiñ shahr-e-sañg-dil kī

vahī dīvār-e-be-rauzan ki jis ko

zabāneñ din Dhale tak chāTtī haiñ

kise pūchheñ birūn-e-sahn kyā hai

kahāñ kis khet meñ gandum ugī hai

kahāñ kis jhiil meñ sūraj girā hai

kahāñ haiñ terī zirheñ merī Dhāleñ

kahāñ vo chāñd hai jis kī talab meñ

ḳhalā meñ pheñk diiñ chehroñ ne āñkheñ

kahāñ hai is ghanī dīvār-e-shab meñ

ikahrī iiñT kī chunvā.ī pūchheñ

kahāñ se koī ḳhisht-e-ġham ukhāḌeñ

kahāñ dīvār meñ rauzan banā.eñ

wahi qasmen shab-e-na-mo'atabar ki

wahi rasmen hain shahr-e-sang-dil ki

wahi diwar-e-be-rauzan ki jis ko

zabanen din Dhale tak chaTti hain

kise puchhen birun-e-sahn kya hai

kahan kis khet mein gandum ugi hai

kahan kis jhil mein suraj gira hai

kahan hain teri zirhen meri Dhaalen

kahan wo chand hai jis ki talab mein

KHala mein phenk din chehron ne aankhen

kahan hai is ghani diwar-e-shab mein

ikahri inT ki chunwai puchhen

kahan se koi KHisht-e-gham ukhaDen

kahan diwar mein rauzan banaen