kahani bas itni si thi

kahānī to merī kuchh thī hī nahīñ

ki merī ye zindagī to merī thī hī nahīñ

ye to bas āte-jāte logoñ kī rāhdārī thī

yā ek bas stop thā

jahāñ kuchh der ko log aate the

aur chale jaate the

jaise ek hotel thā jahāñ kuchh der ke liye log Thaharte the

aur maiñ in ko apnī kahānī meñ kuchh der kirdār rakhtī thī

kahānī merī thī hī kyā

merā apnā kirdār to sab meñ baTā huā thā

jo dikhā.ī kisī ko na detā thā

maiñ apnī zindagī kī kahānī meñ hī ḳhud

ek kirdār ko janm detī thī

ek kirdār ko mārtī thī

merī kahānī bhī kitnī ajiib thī

ki is meñ asal aur ḳhālis kuchh thā hī nahīñ

ek ghaḌī hoī naqlī aur banāvaTī zindagī

ke alāva

kahānī to bas itnī sī thī

ki kahānī kuchh thī hī nahīñ

kahani to meri kuchh thi hi nahin

ki meri ye zindagi to meri thi hi nahin

ye to bas aate-jate logon ki rahdari thi

ya ek bas stop tha

jahan kuchh der ko log aate the

aur chale jate the

jaise ek hotel tha jahan kuchh der ke liye log Thaharte the

aur main in ko apni kahani mein kuchh der kirdar rakhti thi

kahani meri thi hi kya

mera apna kirdar to sab mein baTa hua tha

jo dikhai kisi ko na deta tha

main apni zindagi ki kahani mein hi KHud

ek kirdar ko janm deti thi

ek kirdar ko marti thi

meri kahani bhi kitni ajib thi

ki is mein asal aur KHalis kuchh tha hi nahin

ek ghaDi hoi naqli aur banawaTi zindagi

ke alawa

kahani to bas itni si thi

ki kahani kuchh thi hi nahin