kahani nahin thi

har ik raat ke āḳhirī aur pahle paḌāv meñ terī sunā.ī huī har kahānī paḌī hai

kahānī se sāñseñ bañdhī haiñ

kahānī meñ jangal samundar pahāḌ aur sahrā bhare haiñ

kisī dūsrī aañkh meñ tere lafzoñ ke bojhal bahāv ke dhuñdle kināre jaḌe haiñ

yahī dhund ik raat ko dūsrī raat se

aur rātoñ ko āñkhoñ se

āñkhoñ ko sāñsoñ se

sāñseñ kahānī se joḌe hue thī

kahānī meñ kitne alaav jale

aur tujhe kitnī raushan jabīnoñ kā naqsha banānā paḌā

ab kahāñ yaad tujh ko

tire sāmne se bhalā kitne manzar sarakte ga.e aur kitne ruke

ye tujhe kab ḳhabar thī

tujhe to kahānī banānī thī

jis meñ bahādur niDar shāh-zāde

safar se sarfarāz lauTeñ

to un meñ se har ek ko shāh-zādī mile

saltanat aur hiire javāhar mileñ

magar tū ye bhūlī huī thī

kahānī kā hissa to thī

par kahānī kī raanī nahīñ thī

kahīñ shahr-zād is jahāñ meñ kisī ne kahānī tirī yuuñ sunānī nahīñ thī

har ek raat ke aaKHiri aur pahle paDaw mein teri sunai hui har kahani paDi hai

kahani se sansen bandhi hain

kahani mein jangal samundar pahaD aur sahra bhare hain

kisi dusri aankh mein tere lafzon ke bojhal bahaw ke dhundle kinare jaDe hain

yahi dhund ek raat ko dusri raat se

aur raaton ko aankhon se

aankhon ko sanson se

sansen kahani se joDe hue thi

kahani mein kitne alaw jale

aur tujhe kitni raushan jabinon ka naqsha banana paDa

ab kahan yaad tujh ko

tere samne se bhala kitne manzar sarakte gae aur kitne ruke

ye tujhe kab KHabar thi

tujhe to kahani banani thi

jis mein bahadur niDar shah-zade

safar se sarfaraaz lauTen

to un mein se har ek ko shah-zadi mile

saltanat aur hire jawahar milen

magar tu ye bhuli hui thi

kahani ka hissa to thi

par kahani ki rani nahin thi

kahin shahr-zad is jahan mein kisi ne kahani teri yun sunani nahin thi