kahaniyon se bhara ashtray

kaun hai vo shaḳhs jo dhāge se

afsāna bun rahā hai aur sharāb kī mahak

kamre meñ tāliyāñ piiT rahī hai

aish-tray kirdāroñ se bhar ga.ī hai

aur dhuāñ kaTahre meñ khaḌā

hamāre haq meñ gavāhī de rahā hai

koThe ke darvāze haañp rahe haiñ ki

tavā.if kī ubhrī chhātiyoñ ke pīchhe

ek shaḳhs panāh-guzīñ hai jis kī ainak

ke paar se jismoñ kā har hissa numāyāñ

hotā huā dikhā.ī detā hai

zarb-ul-amsāl apne chehre par make-up

kar rahī haiñ aur vo zaḳhm bhī chhup

rahe haiñ jo kabhī bhare nahīñ the

sard jazboñ meñ gosht ThanDā ho rahā hai

aur tahzīb kisī koThe par barahna ho kar jā baiThī hai

nayā aadmī na.ī kahānī kī daryāft hai

aur na.ī kahānī bhaḌvoñ kī purānī bolī hai

ḳharīd lo jism kā mahall-e-vaqūa aur

ubuur kar jaao utre hue libās ko

ki haiz kā ḳhuun ek daaġh hai jise

shahar kā har shaḳhs apne dāman par sajā.e

shorafā.ī ke bilkul paas se guzar rahā hai

kaun hai wo shaKHs jo dhage se

afsana bun raha hai aur sharab ki mahak

kamre mein taliyan piT rahi hai

aish-tray kirdaron se bhar gai hai

aur dhuan kaTahre mein khaDa

hamare haq mein gawahi de raha hai

koThe ke darwaze hanp rahe hain ki

tawaif ki ubhri chhatiyon ke pichhe

ek shaKHs panah-guzin hai jis ki ainak

ke par se jismon ka har hissa numayan

hota hua dikhai deta hai

zarb-ul-amsal apne chehre par make-up

kar rahi hain aur wo zaKHm bhi chhup

rahe hain jo kabhi bhare nahin the

sard jazbon mein gosht ThanDa ho raha hai

aur tahzib kisi koThe par barahna ho kar ja baiThi hai

naya aadmi nai kahani ki daryaft hai

aur nai kahani bhaDwon ki purani boli hai

KHarid lo jism ka mahall-e-waqua aur

ubur kar jao utre hue libas ko

ki haiz ka KHun ek dagh hai jise

shahar ka har shaKHs apne daman par sajae

shorafai ke bilkul pas se guzar raha hai