کل اک پہاڑ پہ سر رکھ کے سو رہا تھا جب

کل اک پہاڑ پہ سر رکھ کے سو رہا تھا جب

میں آسمان کی آہٹ سے اٹھ کے بیٹھ گیا

بڑے قریب سے گزرا تھا آسماں کل بھی

خزانہ لوٹ کے لایا تھا کائنات سے وہ

نہ جانے کتنے ستارے تھے کتنے سیارے

میں اس کو جاتا ہوا دیکھتا رہا شب بھر

پھر اک جگہ پہ رکا وہ

افق پہ پاؤں رکھا بولا کھل جا سم سم

اک آفتاب کی چٹان ہٹتے ہٹتے ہٹی

تو دن کا غار کھلا

خزانہ دیکھ کر چندھیا گئیں آنکھیں

میں اک غریب علی بابا اور میرا گدھا

بتاؤ کتنا اٹھا لیں گے گر اٹھا بھی لیں