kal ek pahaD pe sar rakh ke so raha tha jab

kal ik pahāḌ pe sar rakh ke so rahā thā jab

maiñ āsmān kī aahaT se uTh ke baiTh gayā

baḌe qarīb se guzrā thā āsmāñ kal bhī

ḳhazāna luuT ke laayā thā kā.enāt se vo

na jaane kitne sitāre the kitne sayyāre

maiñ us ko jaatā huā dekhtā rahā shab bhar

phir ik jagah pe rukā vo

ufuq pe paañv rakhā bolā khul jā sim-sim

ik āftāb kī chaTTān haTte haTte haTī

to din kā ġhaar khulā

ḳhazāna dekh kar chuñdhiyā ga.iiñ āñkheñ

maiñ ik ġharīb alī baabā aur merā gadhā

batāo kitnā uThā leñge gar uThā bhī leñ

kal ek pahaD pe sar rakh ke so raha tha jab

main aasman ki aahaT se uTh ke baiTh gaya

baDe qarib se guzra tha aasman kal bhi

KHazana luT ke laya tha kaenat se wo

na jaane kitne sitare the kitne sayyare

main us ko jata hua dekhta raha shab bhar

phir ek jagah pe ruka wo

ufuq pe panw rakha bola khul ja sim-sim

ek aaftab ki chaTTan haTte haTte haTi

to din ka ghaar khula

KHazana dekh kar chundhiya gain aankhen

main ek gharib ali baba aur mera gadha

batao kitna uTha lenge gar uTha bhi len