kalid-e-nishat

gosha-nashīnī ke chilloñ se parhez

phīke zamāne kī tasbīh ke tai-shuda sab vazīfoñ se be-lazzatī

kār-e-duniyā kī be-rañg qaus-e-quzah

hāñptī zindagī ke vahī rāt-din

maiñ ne daftar se kuchh roz vaqfa kyā

aur jañgal kī jānib kā rasta liyā

maiñ tujhe TuuT ke dekhtā huuñ ḳhudā-e-zaman

jhūmtī shāḳh pe phuul khilne kī rañgīniyāñ

peḌ kī Tahniyoñ pe falak se utartī huiiñ bārisheñ

aur bhīge hue jānvar

be-tahāshā parinde jo ġhote lagā.eñ khule āsmāñ meñ

tū jhīloñ kī sab machhliyāñ tairtī haiñ khaḌe pāniyoñ meñ

mire gaañv ke khet meñ shārikeñ baaġh meñ koyaleñ

ġhaar kī tīrgī meñ basere haiñ chamgādaḌoñ ke

hiran bad-havāsī meñ jīvan kī ḳhvāhish kī ta.abīr haiñ

reg-zāroñ meñ bārish ne sabze ke farshe ko raushan kiyā to ka.ī rañg kī titliyāñ jhāḌiyoñ se numūdār hone lagīñ aur

aabī dhānoñ pe ik dūsre kī zabāñ ko samajhte hue tā.irān-e-falak kā aḳhuvat-bharā silsila

zard miTTī kī dīvār pe reñgtī ye siyah chyūñTiyāñ

nīlgūñ āsmāñ pe muhājir parindoñ kī sab Toliyāñ

aur laavā ugaltī zamīñ pe bhī ḳhema-nashīñ haiñ ka.ī kekḌe

goyā tamsīl kā ik jahāñ pech-dar-pech khultā gayā

merī be-lazzatī kasmasātī huī ḳhaak hone lagī

aise arzañg meñ maiñ to gosha-nashīñ ho gayā

gosha-nashini ke chillon se parhez

phike zamane ki tasbih ke tai-shuda sab wazifon se be-lazzati

kar-e-duniya ki be-rang qaus-e-quzah

hanpti zindagi ke wahi raat-din

main ne daftar se kuchh roz waqfa kya

aur jangal ki jaanib ka rasta liya

main tujhe TuT ke dekhta hun KHuda-e-zaman

jhumti shaKH pe phul khilne ki ranginiyan

peD ki Tahniyon pe falak se utarti huin barishen

aur bhige hue jaanwar

be-tahasha parinde jo ghote lagaen khule aasman mein

tu jhilon ki sab machhliyan tairti hain khaDe paniyon mein

mere ganw ke khet mein shaariken bagh mein koyalen

ghaar ki tirgi mein basere hain chamgadaDon ke

hiran bad-hawasi mein jiwan ki KHwahish ki tabir hain

reg-zaron mein barish ne sabze ke farshe ko raushan kiya to kai rang ki titliyan jhaDiyon se numudar hone lagin aur

aabi dhanon pe ek dusre ki zaban ko samajhte hue tairan-e-falak ka aKHuwat-bhara silsila

zard miTTi ki diwar pe rengti ye siyah chyunTiyan

nilgun aasman pe muhajir parindon ki sab Toliyan

aur lawa ugalti zamin pe bhi KHema-nashin hain kai kekDe

goya tamsil ka ek jahan pech-dar-pech khulta gaya

meri be-lazzati kasmasati hui KHak hone lagi

aise arzang mein main to gosha-nashin ho gaya