kallan

1

kallan kī ḳhud-kalāmī

maiñ byaah rachā.ūñgī

kuchh rūpa.e ho jaa.eñ

maiñ kachrā achchhī tarah saaf kar saktī huuñ

bartan maañj letī huuñ

jhāḌan bhī chalā letī huuñ

mujhe khānā bahut achchhā pakānā aatā hai

maiñ koThiyoñ meñ kaam karūñgī

kuchh rūpa.e ho jaa.eñ to apnā byaah rachā.ūñgī

2

kllan pochhā lagātī hai to piñDliyāñ nañgī ho jaatī haiñ

kabhī chaak sambhāltī hai to dupaTTā gir jaatā hai

sīḌhiyāñ utarne meñ ḳhuub ehtiyāt kartī hai magar chhātiyāñ to chhalaktī haiñ

pochhā lagāne meñ ḳhuub zor lagtā hai lekin kūlhe haiñ ki bhārī hote jaate haiñ

3

kallan kā apne bikhre hue bāloñ se kalām

ye cockroach gandagī ko kyuuñ pasand karte haiñ

maiñ ne use rokne ke bahut jatan kiye

magar vo naalī meñ utar gayā

aur kuchh der ba.ad mujh se duur baiTh kar apne hasse chāTne lagā

4

ab kallan daaj ḳhuub banā saktī hai

lekin use suhāg raat kā intizār nahīñ

1

kallan ki KHud-kalami

main byah rachaungi

kuchh rupae ho jaen

main kachra achchhi tarah saf kar sakti hun

bartan manj leti hun

jhaDan bhi chala leti hun

mujhe khana bahut achchha pakana aata hai

main koThiyon mein kaam karungi

kuchh rupae ho jaen to apna byah rachaungi

2

kllan pochha lagati hai to pinDliyan nangi ho jati hain

kabhi chaak sambhaalti hai to dupaTTa gir jata hai

siDhiyan utarne mein KHub ehtiyat karti hai magar chhatiyan to chhalakti hain

pochha lagane mein KHub zor lagta hai lekin kulhe hain ki bhaari hote jate hain

3

kallan ka apne bikhre hue baalon se kalam

ye cockroach gandagi ko kyun pasand karte hain

main ne use rokne ke bahut jatan kiye

magar wo nali mein utar gaya

aur kuchh der baad mujh se dur baiTh kar apne hasse chaTne laga

4

ab kallan daj KHub bana sakti hai

lekin use suhag raat ka intizar nahin