kam-nigahi

mar ke dekhtā huuñ maiñ

zindagī kī razm-gāh sard aur bujhī huī

jaise ek besvā raat kī thakī huī

ho palañg par udaas nīm-jāñ paḌī huī

koī kashmakash nahīñ koī justujū nahīñ

ab to duur duur tak hashr-e-hāo-hū nahīñ

chār-sū nigāh meñ sūkhe sūkhe jism meñ

maut kī jabīñ pe haiñ yā karīh tevriyāñ

chār-sū nigāh meñ haDDiyoñ ke Dher haiñ

aaj bhī jhalakte haiñ jin se bhuuk ke nishāñ

zindagī girāñ rahī maut rā.egāñ ga.ī

sair ho ke jā rahe haiñ gadhoñ ke kārvāñ

mere ham-safar tamām sādgī shi.ār the

rañj ke shikār the ġham se dil-figār the

phir bhī mutma.in jiye kitne vaz.a-dār the

vo paḌī hai nāzima, vo mirī rafīq-e-kār

vo mirī sharīk-e-ġham ziist kī shaguftagī

sach ki ġham-zada rahī ifāqa-kash rahī magar

bheḌiyoñ ke vāste tar nivāla hī rahī

is kā jism Dhāñp duuñ ki har ik barahnagī

is fareb-zār meñ nā-pasand kī ga.ī

hālat-e-sitam-nasīb dekhtā nahīñ koī

kyuuñ huā koī ġharīb dekhtā nahīñ koī

aur haqā.eq-e-muhīb dekhtā nahīñ koī

baaġh dekhte haiñ sab raag dekhte nahīñ

chāñd dekhte haiñ sab daaġh dekhte nahīñ

mar ke dekhta hun main

zindagi ki razm-gah sard aur bujhi hui

jaise ek beswa raat ki thaki hui

ho palang par udas nim-jaan paDi hui

koi kashmakash nahin koi justuju nahin

ab to dur dur tak hashr-e-hao-hu nahin

chaar-su nigah mein sukhe sukhe jism mein

maut ki jabin pe hain ya karih tewriyan

chaar-su nigah mein haDDiyon ke Dher hain

aaj bhi jhalakte hain jin se bhuk ke nishan

zindagi giran rahi maut raegan gai

sair ho ke ja rahe hain gadhon ke karwan

mere ham-safar tamam sadgi shiar the

ranj ke shikar the gham se dil-figar the

phir bhi mutmain jiye kitne waza-dar the

wo paDi hai nazima, wo meri rafiq-e-kar

wo meri sharik-e-gham zist ki shaguftagi

sach ki gham-zada rahi ifaqa-kash rahi magar

bheDiyon ke waste tar niwala hi rahi

is ka jism Dhanp dun ki har ek barahnagi

is fareb-zar mein na-pasand ki gai

haalat-e-sitam-nasib dekhta nahin koi

kyun hua koi gharib dekhta nahin koi

aur haqaeq-e-muhib dekhta nahin koi

bagh dekhte hain sab rag dekhte nahin

chand dekhte hain sab dagh dekhte nahin