kaun hun main

ufaq ke sūraj kī lālimā ne

mujhe batāyā kī kaun huuñ maiñ

mujhe ḳhabar hī nahīñ thī ab tak

maiñ apne hone se be-ḳhabar thī

ḳhabar meñ rakhtā thā vo jo mujh ko

vo merā mohsin chalā gayā hai

ufuq se aage kī sair karne

maiñ aaj tanhā khaḌī huī huuñ

ye sochtī huuñ palaT ke aa.e

vo jaise koī havā kā jhoñkā

mire badan ko asiir kar ke

mujhe batā.e kī aa gayā huuñ

maiñ muntazir huuñ na jaane kab se

usī ke aane kī koī aahaT

kabhī to mujh ko sunā.ī degī

kabhī to manzil dikhā.ī degī

ufaq ke suraj ki lalima ne

mujhe bataya ki kaun hun main

mujhe KHabar hi nahin thi ab tak

main apne hone se be-KHabar thi

KHabar mein rakhta tha wo jo mujh ko

wo mera mohsin chala gaya hai

ufuq se aage ki sair karne

main aaj tanha khaDi hui hun

ye sochti hun palaT ke aae

wo jaise koi hawa ka jhonka

mere badan ko asir kar ke

mujhe batae ki aa gaya hun

main muntazir hun na jaane kab se

usi ke aane ki koi aahaT

kabhi to mujh ko sunai degi

kabhi to manzil dikhai degi