kaun zanjir toD sakta hai

kaun zanjīr toḌ saktā hai

kis meñ himmat hai tum se laḌne kī

kis meñ jur.at hai sar uThāne kī

kaun bāġhī tumhārī zaat se ho

kis sitamgar ko jaan pyārī nahīñ

jaan hai to jahān hai pyāre

log zinda raheñge lālach meñ

ki kisī roz vaqt aa.egā

ek lashkar masarratoñ kā liye

aur tah-e-teġh kar ke rakh degā

ġham kī faujoñ ko qahr ke dil ko

aur ye be-nishān qaidī bhī

isī jhūle meñ chhūT jā.eñge

silsile dukh ke TuuT jā.eñge

tum magar fikr mat karo jānāñ

ye to lālach hai zinda rahne kā

ḳhvāb hai murda zarf logoñ kā

vaqt mazlūm kā nahīñ hotā

tum pareshān mat ho jān-e-jāñ

tum se muñh kaun moḌ saktā hai

kaun zanjīr toḌ saktā hai

kaun zanjir toD sakta hai

kis mein himmat hai tum se laDne ki

kis mein jurat hai sar uThane ki

kaun baghi tumhaari zat se ho

kis sitamgar ko jaan pyari nahin

jaan hai to jahan hai pyare

log zinda rahenge lalach mein

ki kisi roz waqt aaega

ek lashkar masarraton ka liye

aur tah-e-tegh kar ke rakh dega

gham ki faujon ko qahr ke dil ko

aur ye be-nishan qaidi bhi

isi jhule mein chhuT jaenge

silsile dukh ke TuT jaenge

tum magar fikr mat karo jaanan

ye to lalach hai zinda rahne ka

KHwab hai murda zarf logon ka

waqt mazlum ka nahin hota

tum pareshan mat ho jaan-e-jaan

tum se munh kaun moD sakta hai

kaun zanjir toD sakta hai