Khaala ki murghi

ḳhāla ne ik murġhī paalī

kahīñ safed aur kahīñ hai kaalī

din bhar kaT kaT kartī hai vo

daanā Dañkā chugtī hai vo

anDe bhī detī rahtī hai

lekin abhī vo kuḌak huī hai

ḳhāla ne kuchh anDe jamā.e

in par is murġhī ko biThā.e

din bhar vo anDe setī hai

anDoñ se tab chūze nikle

chhoTe chhoTe nanhe nanhe

ravī ke gāloñ ke jaise

murġhī jidhar jidhar bhī nikle

chūze pīchhe pīchhe dauḌe

ḳhālū ḳhush the dekh ke chūze

ḳhush ho kar ḳhāla se bole

chūze anDoñ se kab nikle

murġhī baiThī kitne dinoñ se

ḳhāla bolī biis aur ik din

maiñ ne shumār kiye haiñ gin gin

ḳhālū bole ab to begam

kal se anDe sete haiñ ham

kal meñ anDe rakh dete haiñ

ghanToñ meñ chūze bante haiñ

ye sun kar ḳhāla ne bhaa.ī

dāñtoñ meñ bas uñglī dabā.ī

KHala ne ek murghi pali

kahin safed aur kahin hai kali

din bhar kaT kaT karti hai wo

dana Danka chugti hai wo

anDe bhi deti rahti hai

lekin abhi wo kuDak hui hai

KHala ne kuchh anDe jamae

in par is murghi ko biThae

din bhar wo anDe seti hai

anDon se tab chuze nikle

chhoTe chhoTe nanhe nanhe

rawi ke galon ke jaise

murghi jidhar jidhar bhi nikle

chuze pichhe pichhe dauDe

KHalu KHush the dekh ke chuze

KHush ho kar KHala se bole

chuze anDon se kab nikle

murghi baiThi kitne dinon se

KHala boli bis aur ek din

main ne shumar kiye hain gin gin

KHalu bole ab to begam

kal se anDe sete hain hum

kal mein anDe rakh dete hain

ghanTon mein chuze bante hain

ye sun kar KHala ne bhai

danton mein bas ungli dabai