KHana-ba-doshon ka git

ab kis liye jahān-e-ḳharābī meñ ghūmnā

vo so ga.ī to us ne na dekhā ki us ke ba.ad

kitnī baḌī qatār khule zāviyoñ kī thī

vaqt aa gayā thā vasl-o-mukāfāt vasl kā

ūñchī zamīñ pe rail kī khiḌkī ke saath saath

ġhāroñ meñ bistaraoñ meñ zamīñ par razā.ī meñ

ab kis liye jahān-e-ḳharābī meñ lauTnā

so āshiyāñ ko misl-e-kabūtar uḌā.iye

aur din guzar chale to ye baazū sameT kar

añgushtarī ko aa.ine par maar soiye

vaqt aa gayā hai vasl-o-mukāfāt-e-vasl kā

ab kis liye jahan-e-KHarabi mein ghumna

wo so gai to us ne na dekha ki us ke baad

kitni baDi qatar khule zawiyon ki thi

waqt aa gaya tha wasl-o-mukafat wasl ka

unchi zamin pe rail ki khiDki ke sath sath

ghaaron mein bistaraon mein zamin par razai mein

ab kis liye jahan-e-KHarabi mein lauTna

so aashiyan ko misl-e-kabutar uDaiye

aur din guzar chale to ye bazu sameT kar

angushtari ko aaine par mar soiye

waqt aa gaya hai wasl-o-mukafat-e-wasl ka