KHana-KHarab

dost jo bichhḌe hue ik din achānak mil ga.e

dil to ġhamgīñ the magar chehre ḳhushī se khil ga.e

shaad the donoñ ki qismat ne milāyā phir unheñ

baa'd muddat din masarrat kā dikhāyā phir unheñ

donoñ baiThe guftugū donoñ meñ jaarī ho ga.ī

bātoñ bātoñ meñ achānak baat aisī ho ga.ī

ek ne jab dūsre kī ḳhairiyat mā'lūm kī

bolā vo hālat batā.ūñ kyā dil-e-maġhmūm kī

aap ko to 'ilm hī hai mere do beTe bhī the

bas unhīñ beToñ kā ġham har lamha khātā hai mujhe

sun ke vo sāhib ye bole kaisā ġham hai kyā huā

kyoñ ye chehra aap kā hai is qadar utrā huā

bhiiḌ meñ duniyā kī kyā donoñ hī beTe kho ga.e

yā ḳhudā-na-ḳhvāsta allah ko pyāre ho ga.e

sun ke vo bolā ki aisī to nahīñ hai koī baat

sāniha kuchh aur hī guzrā hai merī jaañ ke saath

pahlā beTā kar ke shādī ban gayā ham par 'azāb

dūsre ne ban ke shā'ir kar liyā ḳhāna ḳharāb

dost jo bichhDe hue ek din achanak mil gae

dil to ghamgin the magar chehre KHushi se khil gae

shad the donon ki qismat ne milaya phir unhen

ba'd muddat din masarrat ka dikhaya phir unhen

donon baiThe guftugu donon mein jari ho gai

baaton baaton mein achanak baat aisi ho gai

ek ne jab dusre ki KHairiyat ma'lum ki

bola wo haalat bataun kya dil-e-maghmum ki

aap ko to 'ilm hi hai mere do beTe bhi the

bas unhin beTon ka gham har lamha khata hai mujhe

sun ke wo sahib ye bole kaisa gham hai kya hua

kyon ye chehra aap ka hai is qadar utra hua

bhiD mein duniya ki kya donon hi beTe kho gae

ya KHuda-na-KHwasta allah ko pyare ho gae

sun ke wo bola ki aisi to nahin hai koi baat

saniha kuchh aur hi guzra hai meri jaan ke sath

pahla beTa kar ke shadi ban gaya hum par 'azab

dusre ne ban ke sha'ir kar liya KHana KHarab