Khaar chunte hue

maiñ ne apnī zindagī

ḳhvāb dekhne laḌne aur ḳhaar chunñe meñ zaa.e.a kī

mujhe afsos hai

ḳhvāb mujhe ḳhush karte rahe

aur mohabbat ke lamhoñ ko multavī karte rahe

bahut ma.amūlī bātoñ ke liye

mujhe zalīl kiyā gayā

aur mere taḳhayyul ne

mujhe un logoñ se tavīl jañgoñ meñ zaa.e.a kiyā

jinheñ chand lafzoñ se shikast kī jā saktī thī

merī ibādat-gāh ko kisī ghar se aag nahīñ milī

mujhe ātish-dān ko raushan rakhne kā tarīqa jānñe ke liye

apne dil ko jalānā paḌā

aur itnī duur tak jaanā paḌā

ki ibādat-gāh ko vāpas aanā be-ma.anī Thahrā

kisī ne mujhe koī tarīqa nahīñ batāyā

merī bad-qismatī se pahle

koī is raah par nahīñ aayā

jahāñ āzād havā.eñ mere liye kāñTe ugātī rahīñ

aur merī zid tumhāre liye rāste āsān kartī rahī

mujhe afsos hai

merī zaḳhmī uñgliyāñ jab tak tumhāre liye

phūloñ kā haar banā pā.eñgī

phuul murjhā chuke hoñge

aur tum bahut se tahā.if le kar

apnī kāmyāb mohabbat kā jashn manāne jā chuke hoge

main ne apni zindagi

KHwab dekhne laDne aur KHar chunne mein zaea ki

mujhe afsos hai

KHwab mujhe KHush karte rahe

aur mohabbat ke lamhon ko multawi karte rahe

bahut mamuli baaton ke liye

mujhe zalil kiya gaya

aur mere taKHayyul ne

mujhe un logon se tawil jangon mein zaea kiya

jinhen chand lafzon se shikast ki ja sakti thi

meri ibaadat-gah ko kisi ghar se aag nahin mili

mujhe aatish-dan ko raushan rakhne ka tariqa jaanne ke liye

apne dil ko jalana paDa

aur itni dur tak jaana paDa

ki ibaadat-gah ko wapas aana be-mani Thahra

kisi ne mujhe koi tariqa nahin bataya

meri bad-qismati se pahle

koi is rah par nahin aaya

jahan aazad hawaen mere liye kanTe ugati rahin

aur meri zid tumhaare liye raste aasan karti rahi

mujhe afsos hai

meri zaKHmi ungliyan jab tak tumhaare liye

phulon ka haar bana paengi

phul murjha chuke honge

aur tum bahut se tahaif le kar

apni kaamyab mohabbat ka jashn manane ja chuke hoge